U-21 Birinchiligi. "Nasaf" o'z maydonida 18 yoshli futbolchilarga mag'lub bo'ldi, An esa Pyatnickiyga yutqazdi

Qarshida Botir Qoraev boshchiligidagi "Nasaf" jamoasi Qahramon Mahamadjonov qo'l ostidagi "Olimpik"ni qabul qildi va 1:2 hisobida mag'lub bo'ldi. Bu yildan etiboran "Olimpik" U-21 jamoasi safida "Odil Junior" akademiyasida tarbiya topgan 17-18 yoshli futbolchilar o'ynashadi.

Malumot uchun, "Nasaf" U-21 asosiy tarkibining o'rtacha yoshi 20,6 bo'ldi. "Olimpik"da esa bu ko'rsatkich 18ni tashkil etdi.

Yana bir o'yin Namanganda kechdi. Unda Dmitriy An qo'l ostidagi "Navbahor" U-21 Andrey Pyatnickiy boshchiligidagi "Dinamo" U-21ga qarshi maydonga tushdi va 1:2 hisobida imkoniyatni boy berdi.

U-21 Birinchiligi, 1-tur
"Nasaf" - "Olimpik" 1:2
Gollar: Zafarmurod Abdirhmatov 42 - Oybek O'rmonjonov 45+1 penalti, Samandar Qodirov 48.

"Navbahor" - "Dinamo" 1:2
Gollar: SHodiyor SHodiboev 10 - Xurshidbek Ubaydullaev 70, Oybek Hamraqulov 76.