U-17 Jahon chempionatiga 15 sentyabr kuni qur'a tashlanadi, O'zbekiston 3-savatchadan joy oladi

Sherzod Nurmatov

12 sen 2023, 12:41

2023 yil Indoneziyada o'tkaziladigan 17 yoshgacha bo'lgan o'smirlar o'rtasidagi Jahon chempionatiga 15 sentyabr kuni FIFAning Cyurixdagi qarorgohida qur'a tashlanishi kutilmoqda.

Turnirda 24 terma jamoa 6 guruhga bo'lingan holda g'oliblik uchun kurash olib boradi.

Indoneziya turnir mezboni sifatida avtomatik ravishda birinchi savatchadan o'rin egallaydi. O'zbekiston o'smirlar terma jamoasi esa uchinchi savatchadan joy olgan.

1-savatcha: Indoneziya, Braziliya, Meksika, Fransiya, Ispaniya, Yaponiya.

2-savatcha: Germaniya, Mali, Angliya, Janubiy Koreya, Argentina, Ekvador.

3-savatcha: Yangi Zelandiya, Eron, Senegal, AQSH, O'zbekiston, Marokash.

4-savatcha: Venesuela, Kanada, Yangi Kaledoniya, Panama, Polsha, Burkina-Faso.