U-16 OCH saralashi: O'zbekiston – SHri-Lanka 6:0
20 sen 2017 21:18
Yangiliklar

U-16 OCH saralashi: O'zbekiston – SHri-Lanka 6:0

Teglar : O'zbekiston U-16 Dilshod Nuraliev

Saudiya Arabistoni poytaxti Ar-Riyod shahrida 2002 yilda tavallud topgan futbolchilar o'rtasida Osiyo chempionatiga saralash bosqichi “A” guruhi uchrashuvlari davom etmoqda.

Dilshod Nuraliev bosh murabbiyligidagi O'zbekiston o'smirlar termasi bugun, 20 sentyabr kuni SHri-Lankaga qarshi bahs olib borib, 6:0 hisobidagi ishonchli g'alabani qo'lga kiritdi.

U-16 OCH saralash bosqichi
Ar-Riyod, Saudiya Arabistoni
20 sentyabr, chorshanba

O'zbekiston – SHri-Lanka 6:0

Gollar: Jasur Jaloliddinov (4 – penalti, 6), Temur Mamasiddiqov (50, 89), Doniyor Sobirov (69), Ruslan Roziev (78)

Ogohlantirishlar: yo'q – Perrera (3)

O'zbekiston: Xurshid Muhammadjonov, Miraziz Saidov, Sardor Abdurashidxo'jaev, Doniyor Sobirov, Temur Mamasiddiqov, Diyorbek Rahimqulov (Abdurauf Bo'riev, 55), Jaloliddin Sodiqov, Jasurbek Jaloliddinov, Javohir Abdualimov (Mironshox Sattorov, 70), Mirjalol Qosimov, Bo'ronbek Mirzasalimov (Ruslan Roziev, 58).

Kunning ikkinchi o'yinida Saudiya Arabistoni va Bahrayn o'smirlar terma jamoalari o'zaro bahs olib boradi.

Quyida bo'lajak o'yinlar anonsi bilan tanishing.

22 sentyabr, juma

Iordaniya – O'ZBEKISTON
Saudiya Arabistoni – SHri-Lanka

24 sentyabr, yakshanba

Bahrayn – Iordaniya
O'ZBEKISTON – Saudiya Arabistoni

Malumot uchun, U-16 Osiyo chempionati saralashida OFKga azo jami 45 mamlakatning o'smirlar terma jamoalari 10 guruhga bo'lingan holda ishtirok etmoqda. Guruhda birinchi o'rinni egallagan 10 ta hamda eng yaxshi 5 ta ikkinchi o'rin sohiblari mezbon Malayziyaga qo'shilgan holda Osiyo chempionati final bosqichiga yo'llanma oladi. U-16 Osiyo chempionati 2018 yilning 20 sentyabr – 7 oktyabr kunlari Malayziyada o'tkaziladi.