"Turon"ga qo'shilib "Andijon" ham Superligani tark etishi aniq

Bekobodda "Metallurg"ga yutqazgan "Turon" klubi keyingi mavsumni Pro ligada o'tkazishi aniq bo'ldi.

Bundan tashqari o'z maydonida "Navbahor"ga mag'lub bo'lgan "Andijon" ham so'nggi turda qanday natija qayd etishidan qatiy nazar 13-o'rindan tepaga chiqa olmaydi.

Ayni paytda "Surxon" va "Metallurg" klublarida "Andijon"dan 3 ochkolik farq bor. Vodiy klubi so'nggi turda g'alaba qozonib bu klublaga etib olgan taqdirda ham o'zaro o'yinlarga ko'ra ulardan ustun bo'la olmaydi.

O'zaro o'yinlar:
Andijon - Surxon 1:0
Surxon - Andijon 2:0
Andijon - Metallurg 1:2
Metallurg - Andijon 2:0

Malumot uchun, reglamentga ko'ra 13 va 14-o'rindagi jamoalar to'g'ridan-to'g'ri Pro ligaga tushib ketishadi. 12-o'rinni egallagan jamoa esa 2 dekabr kuni pley-offda Pro ligada 3-o'rinni olgan "Olimpik" klubi mehmoni bo'ladi.

Superligada so'nggi tur bahslari 27 noyabr kuni bo'lib o'tadi.