Turkiya Superligasi. “Beshiktosh” navbatdagi muvaffaqiyatini nishonlagan haftada autsayder dastlabki g'alabasini qo'lga kiritdi

O'rtamiyonalar to'qnashuvi

Haftaning juma kuni o'tgan tur doirasida Istanbul derbisida o'zining azaliy raqibi bo'lgan jamoaga alamli tarzda yutqazib qo'ygan "Galatasaroy" bu safar o'z maydonida yakunlangan turda muxlislari qarshisida anqaraliklarni er tishlatgan "Rizespor"ni qabul qildi. Ushbu uchrashuvda Yuto Nagatomo, Rayan Babel va yozda bir paytlar “Yuventus”da ham o'ynagan “Sautgempton”dan xarid qilingan Mario Leminadek futbolchilarga ega bo'lgan “Galatasaroy” ishonchli hisob bilan g'alabani tantana qildi. Gollarga kelsak, 15-daqiqada mehmonlarning tunislik yosh himoyachisi Montassar Talbi kutilmaganda o'z darvozasini ishg'ol qilib qo'ydi. Oradan uch daqiqa o'tar-o'tmas Babel belgilangan 11 metrli jarima zarbasini aniq nishonga oldi va tablodagi 2:0 hisobi bahs ohirigacha o'zgarmay qoldi.

Galatasaray Montassar Talbi - 15', Ryan Babel - 18'

Super Lig . 10-tur 01/11/2019, 21:30 0 : 2 Tugadi

Rizespor

Stadion: Ali Sami Yen Spor Kompleksi Turk Telekom Stadyumu

45'

90'

15'  Montassar Talbi

18'  Ryan Babel

54'  Sener Ozbayrakli (Mariano)

60'  Ryan Babel

76'  Ryan Babel (Jimmy Durmaz)

86'  Emre Mor (Adem Buyuk)

43'  Ismael Diomande

46'  Ismael Diomande (Baris Alici)

56'  Gokhan Akkan (Tarik Cetin)

64'  Ogulcan Caglayan

71'  Montassar Talbi

82'  Ogulcan Caglayan (Braian Samudio)

Match-senterda ochish

Autsayder Konyada mehmon

Bugungi o'yinlarni boshlab beruvchi uchrashuvda avvalgi haftada Istanbulga safar qilib, kutilmagan “tarsaki”ni qabul qilib olgan va turnir jadvalida to'plar nisbatiga ko'ra 9-o'rin yani “ekvator”ga joylashgan “Konyaspor” endi o'z uyida olamshumul sensaciya ketidan debyutant denizliliklarga imkoniyatni boy bergan “Genchlerbirligi”ni mehmon qildi. SHuni takidlab o'tish lozimki, mezbonlar tarkibida hali 22 yoshga to'lmagan umidli hujumchi Faruk Miyya so'nggi bahslarda katta effekt keltiryapti va u bu o'yinda ham o'zini ko'rsatishga erishdi. Anqara shahri jamoasida esa, portugaliyalik tajribali vinger Daniel Kandeyash bor edi. Uchrashuv natijasiga to'xtaladigan bo'lsak, oldiniga Neyc Skubichning samarali pasidan unumli foydalangan Miyya o'zining to'qqizinchi bahsdagi 5-golini urdi. Mezbon tomon ishqibozlari bayramni boshlab yuborishgan bir paytda, asosiy vaqtga qo'shib berilgan to'rtinchi daqiqada Ruminiya milliy terma jamoasi markaziy hujumchisi Bogdan Stanku hisobni tenglashtirdi va jamoasini muqarrar mag'lubiyatdan qutqarib qoldi.

Konyaspor Farouk Miya - 37'

Super Lig . 10-tur 02/11/2019, 16:00 1 : 1 Tugadi

Genclerbirligi Yasin Pehlivan - 90'

Stadion: Konya Buyuksehir Stadyumu

45'

90'

37'  Farouk Miya

37'  Nejc Skubic

50'  Marko Jevtovic (Volkan Findikli)

79'  Omer Ali Sahiner (Riad Bajic)

88'  Riad Bajic

90'  Levan Shengelia (Fallou Diagne)

40'  Pierre-Yves Polomat

68'  Berat Ozdemir (Nadir Ciftci)

84'  Floyd Ayite (Yasin Pehlivan)

85'  Nadir Ciftci

90'  Yasin Pehlivan

Match-senterda ochish

Markaziy o'yin

Joriy turda eng qiziqarli o'tishi kutilayotgan super uchrashuvda ohirgi paytlar stabil o'yin namoyish etib kelgan va oldingi o'tkazilgan turda durangga rozi bo'lish asnosida raqiblariga qimmatli ochkolarni ulashgan jamoalar “Alanyaspor” va “Istanbul Bashakshehir” o'zaro jang olib borishdi. Alanyaliklar “Gaziantep”ga qarshi bahsda so'nggi lahzalarda tayyor g'alabani qo'ldan chiqarishgan bo'lsa, mehmon jamoa Istanbul shahri jamoasi yaqin raqobatchisi “Trabzonspor” bilan sulhga rozi bo'lishgandi. Kutilmaganda, juda zerikarli ruhda o'tgan o'yinda uchrashuvga mos ravishda nursiz durang qayd etildi. Birinchi bo'lim so'nggida Fabris N’Sakalya xakam tomonidan ogohlantirildi. Istanbulliklardan franciyalik yosh umidli forvardlardan biri Enco Krivelli o'yinning ikkinchi bo'limi boshlarida sariq kartochka bilan jazolandi. Ushbu natijadan keyin Alanya shahri bosh jamoasi raqobatchilarini o'ziga maksimal darajada yaqinlashtirib olgan bo'lsa, “Bashakshehir” egallab turgan o'rnidan siljigani yo'q.

Alanyaspor

Super Lig . 10-tur 02/11/2019, 18:30 0 : 0 Tugadi

Istanbul Basaksehir

Stadion: Bahcesehir Okullari Stadyumu

45'

90'

45'  Fabrice N'Sakala

63'  Onur Bulut (Djalma)

75'  Junior Fernandes (Yacine Bammou)

84'  Ceyhun Gulselam (Salih Ucan)

17'  Irfan Kahveci (Robinho)

53'  Enzo Crivelli

60'  Eljero Elia (Berkay Ozcan)

89'  Okechukwu Azubuike (Demba Ba)

Match-senterda ochish

Yana Istanbul va Antaliya jangi

Mavsumni juda sust boshlagan va birin-ketin yirik hisobdagi mag'lubiyatlarni qabul qilib olgan hozirga kelib esa, avvalgi mavqeyini tiklash uchun astoydil kurashayotgan “Beshiktosh” so'nggi o'yinlarda irodali g'alabalarga erishishga muvaffaq bo'ldi. Jamoa ayni paytda ajoyib statistikaga ega bo'lib turibdi: 9 o'yinda uchtadan g'alaba, durang va mag'lubiyat qayd etgan. Endi ular o'tgan turda Sivasga safar qilib, muvaffaqiyatsizlikka uchragan “Antalyaspor” bilan bahs olib borishdi va navbatdagi g'alabani rasmiylashtirishdi. Ushbu uchrashuv oldidan jamoalar o'rtasidagi ochkolar farqi bor yo'g'i bir ochkoni tashkil qilayotgandi. Yani mehmonlar raqiblarini quvib o'tish uchun yaxshigina imkoniyatdan foydalana olishmadi. Gollarga kelsak, avvaliga xorvat himoyachisi Domagoy Vida o'zini ko'rsatdi. Oradan ikki daqiqa o'tmasidan Abdulay Diabi farqni ikkitaga oshirdi. Ikkinchi bo'lim boshida Pol Mukariu tomonidan kiritilgan to'p antaliyaliklarga faqat hisobni qisqartirish uchun xizmat qildi, xolos.

Antalyaspor Paul Mukairu - 52'

Super Lig . 10-tur 02/11/2019, 21:00 2 : 1 Tugadi

Besiktas Domagoj Vida - 9', Abdoulay Diaby - 11'

Stadion: Antalya Stadyumu

45'

90'

9'  Bahadir Ozturk

23'  Chico (Serdar Ozkan)

46'  Aatif Chahechouhe (Amilton)

52'  Paul Mukairu

52'  Gustavo Blanco

67'  Gustavo Blanco

82'  Ufuk Akyol (Fredy)

90'  Paul Mukairu

9'  Domagoj Vida

9'  Adem Ljajic

11'  Abdoulay Diaby

48'  Mehmet Umut Nayir

58'  Jeremain Lens (Burak Yilmaz)

69'  Pedro Rebocho

76'  Adem Ljajic (Oguzhan Ozyakup)

87'  Mehmet Umut Nayir (Guven Yalcin)

Match-senterda ochish

Sivasliklar debyutant maydoniga safar qildi

Asta-sekinlik bilan oliy maqomdagi liga havosiga moslashib borayotgan jamoa “Denizlispor” bu safar o'z maydonida o'tgan tur doirasida Antaliya shahri jamoasini taslim qilgan “chaqilmas yong'oq” klublardan biri “Sivasspor”ni qabul qildi va raqibini ishonchli ko'rinishda taslim etdi. Mehmon jamoa vakillari ushbu o'yinda qanday natija qayd etilishidan qatiy nazar, kuchli o'ntalikdan tushib ketmasligi aniq edi. Debyutant esa, xattoki “qizil zona”ga tushib qolish xavfi ostida turgandi. Mezbonlar safida yaqin kunlarda 36 yoshni qarshilaydigan Evropa maydonlarida to'p tepgan va yuqori to'purarlik mahoratiga ega bo'lgan ivuarlik tajribali hujumchi Aruna Kone bor va futbolchi bu safar ham gol urishga erishdi. Denizli shahri jamoasining oldingi chizig'ida ajoyib iqtidor sohibi Ugo Rodalega harakat qiladi va lekin u ushbu bahsda nomalum sabablarga ko'ra ishtirok etolmaydi. Uchrashuvga to'xtaladigan bo'lsak, mahalliy tajribali vinger “Sivasspor” libosida qariyb yuzga yaqin o'yinda maydonga tushgan Xakan Arslan birinchi bo'lim ohirida hisobni ochdi. So'nggi daqciqaga kelib esa, yana o'sha Kone bahsga mantiqiy nuqtani qo'yib berdi.

Denizlispor

Super Lig . 10-tur 03/11/2019, 15:00 2 : 0 Tugadi

Sivasspor Hakan Arslan - 40', Arouna Kone - 90'

Stadion: Denizli Ataturk Stadi

45'

90'

41'  Tiago Lopes

45'  Radoslaw Murawski

46'  Ismael Aissati (Recep Niyaz)

71'  Olcay Sahan (Hadi Sacko)

80'  Mustafa Yumlu

81'  Zeki Yavru (Burak Calik)

23'  Marcelo Goiano

40'  Hakan Arslan

64'  Erdogan Yesilyurt (Fernando Santos)

66'  Ugur Ciftci

80'  Mustapha Yatabare (Arouna Kone)

83'  Fatih Aksoy (Isaac Cofie)

85'  Hakan Arslan

90'  Arouna Kone

90'  Emre Kilinc

Match-senterda ochish

Etakchi va o'rtamiyona bellashuvi

So'nggi mavsumlarda faqat yuqori o'rinlarni ko'zlab kelayotgan va bunga amalda ham erishishni uddasidan chiqqan “Yeni Malatyaspor” endigi safarda ketma-ket o'yinlarda muhim ochkolarni qo'lga kiritgan kuchli jamoalarga etarlicha muammo tug'dira oladigan ishtirokchilardan biri bo'lgan “Qosimposho” maydonida mehmon maqomida o'ynadi. Har ikkala jamoa ham o'tgan tur doirasidagi uchrashuvlarda bir-biridan jimjimador g'alabalarni rasmiylashtirishgan edi. Bundan avvalgi tur doirasida, Malatya shahri bosh jamoasi o'z muxlislari qarshisida har bir raqibi oldida ojiz qolayotgan “Qaysarispor”ni yanchib tashlashgan bo'lsa, qosimposholiklar yirik hisobda mag'lub etish orqali “Gyoztepe”ni salkam autsayderga aylantirib qo'ydi. O'yinga kelsak, keskin va murosasiz kurashlar ostida kechgan uchrashuvda 2:2 ko'rinishida jangovar durang qayd etildi. Oldiniga Bengali-Fode Koyta hisobni ochgan bo'lsa, ikkinchi bo'lim o'rtalarida malatyaliklarning to'purar hujumchisi Adis Yaxovich muvozanatni tikladi. Oradan 7 daqiqa o'tar-o'tmas Veysel Sari o'z darvozasini ishg'ol qilib qo'yishi bilan mehmon jamoa oldinga o'tib oldi. Biroq bu hali hammasi emas edi. Mezbonlar tarkibida zahiradan maydonga tushgan Abdul Xalili asosiy vaqtga qo'shib berilgan daqiqalarda gol urib, jamoasini mag'lubiyatdan qutqarib qoldi.

Kasimpasa Bengali-Fode Koita - 13', Abdul Khalili - 90'

Super Lig . 10-tur 03/11/2019, 17:30 2 : 2 Tugadi

Yeni Malatyaspor Adis Jahovic - 63', Veysel Sari - 68'

Stadion: Recep Tayyip Erdogan Stadi

45'

90'

13'  Bengali-Fode Koita

33'  Ricardo Quaresma

71'  Haris Hajradinovic (Yusuf Erdogan)

75'  Syam Ben Youssef

80'  Loret Sadiku (Abdul Khalili)

88'  Mustafa Pektemek (Ilhan Depe)

90'  Abdul Khalili

90'  Bengali-Fode Koita

17'  Robin Yalcin

46'  Mitchell Donald (Gokhan Tore)

63'  Adis Jahovic

63'  Guilherme

67'  Thievy Bifouma (Moryke Fofana)

68'  Veysel Sari

77'  Robin Yalcin

80'  Guilherme (Murat Yildirim)

90'  Sakib Aytac

Match-senterda ochish

Gyoztepeliklar Trabzonda mehmon

Ertangi uchrashuvlar taqvimidan joy olgan o'yinlardan birida oldingi tur o'zidan birmuncha pas saviyada turuvchi jamoadan yana bunisi etmaganidek o'n minglab ishqibozlari guvohligida qaqshatqich mag'lubiyatni tan olgan alamzada “Gyoztepe” bu safar hafta boshida derbida qatnashgan va jangovar durang qayd etgan “Trabzonspor” bilan o'zaro jang olib bordi. Mehmonlarda darvoza chizig'idan o'z vaqtida uzoq yillar Portugaliya milliy terma jamoasi postini qo'riqlagan boy tajribaga ega Betu joy olgan bo'lsa, trabzonliklar hujumida Daniel Starrij bor edi va u hozircha 4 uchrashuvda 2 ta gol urishga muvaffaq bo'ldi. Bu safargi o'yin taqdirini vaqtida Angliya Premer-ligasida o'rtamiyona bir nechta klublar sharafini himoya qilgan tajribali hujumchi Kemeron Jerom tomonidan 31-daqiqada kiritilgan gol hal qildi.

Trabzonspor

Super Lig . 10-tur 02/11/2019, 18:30 1 : 0 Tugadi

Goztepe Cameron Jerome - 31'

Stadion: Senol Gunes Akyazi Stadyumu

45'

90'

46'  Ahmet Canbaz (Kamil Corekci)

46'  Dogan Erdogan (Donis Avdijaj)

82'  Donis Avdijaj (Koray Kilinc)

31'  Cameron Jerome

31'  Lamine Gassama

46'  Lamine Gassama (Murat Paluli)

46'  Soner Aydogdu

56'  Cameron Jerome

68'  Halil Akbunar (Deniz Kadah)

75'  Marcio Mossoro

89'  Soner Aydogdu (Atinc Nukan)

Match-senterda ochish

Etakchi va autsayder bahsi

Dam olish kunidagi o'yinlarni yakunlab beruvchi uchrashuvda joriy mavsum hali biron marta g'alaba nashidasini surmagan hamda to'rtta durang va beshta mag'lubiyat qayd etgan bechorahol “Qaysarispor” endigi safar o'z uyida tashkil topganidan beri deyarli har yili chempionlik uchun asosiy davogarlar qatorida bo'lgan “Fenerbaxche”ni mehmon qildi va chempionatda navbatdagi sensaciyani qayd etdi. Istanbulliklar tarkibida Odil Rami, Viktor Mozes va Maks Kruze kabi o'yinchilar harakat qilishadi. SHunday jamoani engishga erishish uchun bittagina gol kifoya qildi va unga bir paytlar “Galatasaroy” safida yulduzli onlarini boshdan kechirgan Umut Bulut mualliflik qildi.

Kayserispor Umut Bulut - 58'

Super Lig . 10-tur 03/11/2019, 20:00 0 : 1 Tugadi

Fenerbahce

Stadion: Kadir Has Sehir Stadyumu

45'

90'

27'  Benoit Poulain (Levent Guelen)

58'  Umut Bulut

58'  Bernard Mensah

64'  Bilal Basacikoglu (Pedro Henrique)

83'  Brice Dja Djedje (Ben Rienstra)

86'  Yasir Subasi

61'  Garry Rodrigues

64'  Victor Moses (Deniz Turuc)

70'  Emre Belozoglu (Tolga Cigerci)

75'  Tolga Cigerci

77'  Mathias Joergensen (Mevlut Erdinc)

82'  Serdar Aziz

Match-senterda ochish

Gazishehirliklar Anqaraga uchishdi

Ushbu turni tugatib beruvchi kelasi haftaning dastlabki kunida bo'lib o'tadigan o'yinda so'nggi uchrashuvlardagi omadsizliklar natijasida autsayderlar orasiga qo'shilgan ayanchli ahvoldagi “Anqaragyujyu” o'z maydonida o'tgan tur kimsan musobaqa jadvali karvonboshisini “Alanyaspor”dan ochko tortib olgan kuchli o'nlikka jonholatda osilib turgan “Gaziantep”ni qabul qildi unda mehmonlar irodali g'alabani qo'lga kiritishdi. Marius CHumudike shogirdlari ichida mahalliylashtirilgan asli braziliyalik Jefferson va Turkiya chempionatida etarlicha tajribaga ega bo'lgan hamda bazida “shedevr” gollar urib turadigan Senegal milliy terma jamoasi azosi Mussa Sou bor va lekin u bu safar maydonda ko'rinish bermadi. Anqaraliklar safida esa, Dever Ordjilldek yamaykalik super forvard harakat qiladi. 3 ta gol bilan jamoa to'purari bo'lib turgan hujumchi bu safar o'yinni golsiz tark etdi. Uchrashuvga kelsak, avvaliga Patrik Tvumasi yuzaga kelgan penaltidan unumli foydalangan holda jamoasini oldinga olib chiqdi. O'yinning ikkinchi yarmi o'rtalariga kelib, Ilxan Parlak hisobni tenglashtirdi. Ammo asosiy vaqtga qo'shib berilgan daqiqalarning uchinchisida mehmonlarning bir paytlar “CHelsi”, “Verder” va “Sanderlend” kabi jamoalarda o'ynagan senegallik himoyachisi Papi Jiloboji g'alaba to'pini kiritib, “Gaziantep”ga muhim uch ochkoni taqdim etdi.

Ankaragucu Ilhan Parlak - 67'

Super Lig . 10-tur 04/11/2019, 21:00 2 : 1 Tugadi

Gaziantep FK Patrick Twumasi - 30', Papy Djilobodji - 90'

Stadion: Eryaman Stadyumu

45'

90'

44'  Tiago Pinto

46'  Ricardo Faty (Cebrail Karayel)

67'  Ilhan Parlak

67'  Aydin Karabulut

90'  Aydin Karabulut (Hasan Kaya)

90'  Ilhan Parlak

30'  Patrick Twumasi

44'  Papy Djilobodji

62'  Jefferson (Bartlomiej Pawlowski)

73'  Souleymane Diarra

81'  Guray Vural (Kenan Ozer)

90'  Souleymane Diarra (Furkan Soyalp)

90'  Papy Djilobodji

90'  Patrick Twumasi

Match-senterda ochish

Xondamir Hakimov tayyorladi