Tur iqtiboslari: "Nasaf"ni yana etakchilar tark etishiga tayyor emasman" yoxud "Bunyodkor"ning darajasidan pastga tushishga hech bir futbolchiga ruxsat yo'q"

"Nasaf" bosh murabbiyi Ro'ziqul Berdiev yuzaga kelgan moliyaviy qiyinchiliklar natijasida jamoani yana etakchilar tark etadigan bo'lsa, bunga tayyor emasligini oshkora malum qildi.

"Agarda yana etakchilarimizni yo'qotadigan bo'lsak, unda shuni aytishim mumkinki, bu jamoa uchun juda og'ir bo'ladi. Men murabbiy sifatida ham bunga tayyor emasman" (c) Ro'ziqul Berdiev 

"Bunyodkor" ustozi Mirjalol Qosimov moliyaviy qiyinchiliklarga qaramasdan jamoadagi tartib qanday saqlab turganini sirini ochdi hamda futbolchilar va o'z oldiga qanday talab qo'yishi haqida so'zladi.

"Bunyodkor"da tartibni qanday saqlayapman? 120talik mixim bor. (kuladi) Har qanday holatda ham qo'l ostimdagi futbolchilarga "Bunyodkor"ni darajasidan pastga tushishiga ruxsat bermayman" (c) Mirjalol Qosimov 

"Paxtakor" bosh murabbiyi SHota Arveladze jamoada aniq o'yin uslubi va chizgi borligini malum qildi.

"Men jamoa o'yinini hujumkor va himoya bilan balansni ushlagan holda yo'lga qo'yishni istayman va "Paxtakor"ning hozirgi o'yin uslubi shunday. Avvalo o'z jarima maydonchamiz oldida o'tirib qolishni istamayman. Bizda o'yin chizgisi aniq ko'rinib turibdi. "Paxtakor" doim uchrashuvni o'z nazorati ostida o'tkazishi lozim. Bizning o'yin shunga qurilgan" (c) SHota Arveladze