Tunda O'zbekiston U-20 Xaver Maskerano boshchiligidagi Argentina U-20 bilan o'ynaydi
08 sen 2022 18:43
Yangiliklar

Tunda O'zbekiston U-20 Xaver Maskerano boshchiligidagi Argentina U-20 bilan o'ynaydi

Urugvay mamlakatida "Maldonado Cup" xalqaro musobaqasi davom etmoqda.

Ravshan Haydarov boshchiligidagi O'zbekiston yoshlar terma jamoasi 1-turda mezbon Urugvayga qarshi o'yin o'tkazdi va 1:3 hisobida mag'lub bo'ldi.

Ikkinchi bahsda esa azaliy raqiblar Braziliya va Argentina to'qnash kelishdi. Bahsda tomoshabinlar ikkita gol va ikkita qizil kartochka ko'rishdi.

Braziliya U-20 - Argentina U-20 - 1:1
Gollar: Lukas Beraldo 30 - Ulises CHichchioli 22.
Braziliya U-20: Misael, Lukas Kavan, Lukas Beraldo, Veverton, Patrik Lansa, Alekssander, Junino (c), Erik; Jiovane, Eguinaldo, Anxelo.
Argentina U-20: Gomes Gert, Di Lollo, Palasios, Vega, A.Rodriges, M.Gonsales, Enkinas, Gauto, Maestro Puch, Besozzi.
CHetlatish: Aleks 76 - Agustin Rodriges 54.

Bugun tunda (payshanbadan jumaga o'tar kechasi) Toshkent vaqti bilan soat 02:45da O'zbekiston 2-turni Argentinaga qarshi o'tkazadi. Ayni paytda bu jamoani sobiq futbolchi Xaver Maskerano boshqarib borayotganini ko'pchilik bilmasa kerak. "Liverpul" va "Barselona" klublari sobiq himoyachisi "Maldonado Cup" xalqaro musobaqasiga faqat Argentina ligasida ishtirok etuvchi klub futbochlilarini chaqirgan.