"Tottenxem" himoyachisi Evropa chempionatini o'tkazib yuboradi

"Tottenxem" himoyachisi Destini Udoji Evropa chempionatini o'tkazib yuboradi. Bu haqda insayder Fabricio Romano xabar berdi.

Futbolchi o'ng oyog'idan jarohatlangan. U mavsum oxirigacha maydonga tushmasligi aniq.

Oxirgi xabarlarga ko'ra, italiyalikning tiklanishi uchun 3 oy vaqt kerak bo'ladi. Demak, u nafaqat mavsumning qolgan qismida, balki Evropa chempionatida ham qatnashmaydi.

21 yoshli himoyachi joriy mavsum barcha musobaqalarda 30 ta o'yin o'tkazib, 2 ta gol urdi va 3 ta golli pas uzatdi.