Toshkentda Sergey Arutyunov xotirasiga bag'ishlangan xalqaro turnir o'tkazilmoqda

2 noyabr kuni start olgan ushbu musobaqa ilk bora o'tkazilyapti. Xalqaro maqomga ega bo'lgan bu turnirda 2005 yilda tavallud topgan bolalardan tashkil topgan 8 jamoa ishtirok etmoqda. Ular – “Bunyodkor” (Toshkent), “Paxtakor” (Toshkent), “Metallurg” (Bekobod”), “Lokomtiv” (Toshkent), SDYUSHOR (Qozog'iston), “Qayrat” (Qozog'iston), “Ural” (Rossiya) “Spartak” (Toshkent).

Musobaqa 6 noyabrga qadar davom etadi.

Takidlash kerakki, O'zbek futboli fidoiylaridan biri - 1922 yilning 15 mart kuni tavallud topgan Sergey Arutyunov 2015 yil, 93 yoshida vafot etgan edi.

Arutyunov 1940 yildan boshlab “Dinamo” safida to'p surgan va jamoasi bilan O'zbekiston chempionligi va mamlakat kubogi sohibi bo'lgan. Keyinchalik faoliyatini Toshkentning “Spartak” jamoasida davom ettirgan.

Futbolchilik faoliyatini yakunlagach esa avval hakamlik qilan, so'ngra murabbiylik bilan shug'ullangan. Arutyunov 1953 yilda Moskvadagi murabbiylar tayyorlovchi Oliy maktabni tamomlagan. 1956 yilda “Paxtakor” futbol maktabi tashkil qilinib, Arutyunovni u erga ishga taklif etishdi. Ushbu maktab Gennadiy Krasnickiy, Birodar Abduraimov, Hamid Rahmatullaev, Stanislav Stadnik kabi istedodli futbolchilarni tarbiyaladi.

1962 yilda Sergey Arutyunov “O'zbekistonda xizmat ko'rsatgan murabbiy” unvoniga sazovor bo'lgan.

1998 yilda Franciyada bo'lib o'tgan Jahon CHempionatida Sergey Arutyunovga FIFA oltin medali topshirilgan. U, shuningdek, O'zbekiston Futbol Federaciyasi ko'krak nishoni sohiblaridan biri edi.