"Torpedo" bosh murabbiyi Erkinov haqida fikr bildirdi

"Jamoaga endi kelgan yosh futbolchilarda o'ziga bo'lgan ishonchi ortishi kerak. RPLda tez fikrlash va harakat qilish lozim. Biz yangi futbolchilarni jalb qilish orqali tezlikni oshirmoqchi edik. Bu taktika ish beradimi-yo'qmi — boshqa masala. Yigitlar jamoaga kirishib ketishi, o'zlarini dadil tutishlari kerak. Karaev, Turishev, Erkinov — ularning barchasi hali yosh. Futbolda "o'zaro til topishish" kabi jarayon bor. Umid qilamanki, keyingi o'yinlar orqali yigitlar tajriba orttirishadi. Ularning ko'zlari chaqnab turibdi. Hozir eng muhimi mag'lubiyatni tahlil qilish. Ko'pgina vaziyatlarda, ayniqsa birinchi bo'limning oxirida xatoga yo'l qo'ydik. Birinchi golni tushunarsiz tarzda o'tkazib yubordik, albatta, hech narsa oldindan aytib bo'lmaydi. Biz "ikkinchi raqam" ostida o'ynadik, qarshi hujumda harakat qilishni xohladik. Ushbu gol rejalarimizni barbod qildi. O'yin jarayonini o'zgartirish uchun vaziyatlar yaratib, xarakter ko'rsatish kerak", — deydi klub bosh murabbiyi.