Tojikiston Superkubogida gol urgan o'zbekistonlik futbolchi o'yindan so'ng nimalar dedi?
05 apr 2020 09:58
Yangiliklar
![](https://championat.asia/upload/storage/556810_original.jpg)
![](/upload/storage/556810_220.jpg)
Tojikiston Superkubogida gol urgan o'zbekistonlik futbolchi o'yindan so'ng nimalar dedi?
Tengma-teng kurashlar ostida o'tgan bahsning ikkinchi daqiqasida xo'jandliklar hisobni ochishdi. Gol esa o'zbekistonlik futbolchi Sanjar Rixsiboev hisobiga yozildi. Afsuski, uning goli jamoasining g'alabasi uchun etarli bo'lmadi. Yakunda Dushanbe jamoasi sovrinni boshi uzra baland ko'tardi. Bellashuvdan keyin hamyurtimiz Sanjar Rixsiboev fikrlari bilan o'rtoqlashdi.
"Bugun ikki jamoa uchun ham qiziqarli o'yin bo'ldi deb ayta olaman. 75-daqiqaga qadar g'alaba qozonib turgandik. Ikki daqiqada gol o'tkazib yuborib bahsni boy berish alamli bo'lsa kerak. Raqibimiz Tojikistonning eng kuchli jamoasi hisoblanardi. OCHL guruh bosqichiga chiqishga juda yaqin kelgandi. Ammo, biz ham munosib qarshilik ko'rsatishga harakat qildik. Murabbiy tanaffusda barchasi o'z qo'limizda ekanligini takidladi. O'yinni nazorat qilgan holda vaziyatlardan unumli foydalanishimiz kerakligini tushuntirdi. Biz futbolchilar yaratgan vaziyatlarimizni golga aylantirganimizda balki, bari boshqacha kechishi mumkin edi. Nima ham derdim? Hayot davom etadi. To'xtab qolmaymiz. Bu mag'lubiyat bizni yanada kuchli qiladi. Qalban qo'llab-quvvatlab turgan muxlislarimizni oldinda boshlanajak chempionat bahslarida g'alabalar bilan xursand qilamiz deb o'ylayman",- deydi yarim himoyachi.
Abdulaziz Iskandarov yozib oldi.
O’xshash yangiliklar
![AMP Logo](https://championat.asia/image/logo-amp.png)
Fikrlar