Ten Xag: "Markus professionallardek bo'lsagina o'zini ko'rsata oladi"

"Har bir futbolchi noto'g'ri hayot tarzi uning zarariga ishlashini yaxshi biladi. Karrington ortidagi hayoting to'g'ri va tartibli bo'lmasa kerakli darjaga eta olmaysan.

Reshfordga yordam, qo'llab-quvvatlash kerak edi. Ammo baribir u hammasini o'zi qilishi kerak. Markus hayotini izga solishi, mashg'ulotlar, o'yinlarga bo'lgan munosabatini o'zgartirishi lozim. Reshford professionallardek bo'lsagina o'zini ko'rsata oladi, chunki u ajoyib futbolchi.

U omadsizliklar ham bo'lib turishini, ularni o'zgartirish mumkinligini biladi. Markus nazoratni o'z qo'liga oldi, u qaytyapti. Mavsumni juda yaxshi boshladi, endi u o'sishda davom etishi kerak" - dedi "Manchester Yunayted" bosh murabbiyi.