Temurxo'ja Abduxoliqov: "Hozircha hammasi ajoyib"
16 fev 2020 11:31
Yangiliklar
![](https://championat.asia/upload/storage/545392_original.jpg)
![](/upload/storage/545392_220.jpg)
Temurxo'ja Abduxoliqov: "Hozircha hammasi ajoyib"
- "Mashal" bilan kechgan o'rtoqlik uchrashuvi haqida fikringiz?
- Bu o'yin ham mavsumga tayyorgarlikning bir qismi bo'ldi. Maydonda yaxshi kurash kechdi. G'alaba qozonganimizdan xursandmiz.
- Kiritgan golingiz haqida?
- Qulay vaziyat yuzaga keldi va bundan foydalandim. Gol urishim kerak bo'lgan vaziyat edi, agar urolmaganimda gapirsa bo'lardi.
- Jamoaning mavsumga tayyorgarligi qanday bo'lyapti?
- Hammasi yaxshi. Tez-tez o'rtoqlik uchrashuvlarida maydonga tushyapmiz. O'ylaymanki, chempionat start olganidan keyin o'zimizni ko'rsatamiz. O'rtoqlik o'yinlari bilan rasmiy bahslarning farqi bor. Superliga uchrashuvlariga yanada ko'tarinki kayfiyatda chiqamiz.
- "Mashal" haqida nima deya olasiz?
- "Mashal" bu yil yana Superligaga qaytdi. O'ylaymanki, bu jamoa chempionat davomida o'zini ko'rsatadi.
- Superliga qurasi haqida nima deysiz?
- Endi bu qura, baribir hamma jamoalar bilan qachondir o'ynaymiz, chempionat boshidami yo oxiridami. Lekin mavsumni uyda boshlashimiz yaxshi deb o'ylayman.
- O'zingiz yangi mavsumga qanchalik tayyorsiz?
- Hozircha hammasi ajoyib. O'yinlar boshlansin, ko'ramiz nima bo'lishini.
"Lokomotiv" matbuot xizmati
O’xshash yangiliklar
![AMP Logo](https://championat.asia/image/logo-amp.png)
Fikrlar