Suriya bosh murabbiyi: Tojikiston bilan o'yin O'zbekistonga qarshi uchrashuvga tayyorgarlik
26 avg 2016 18:13
Yangiliklar
![](https://championat.asia/upload/storage/219496_original.jpg)
![](/upload/storage/219496_220.jpg)
Suriya bosh murabbiyi: Tojikiston bilan o'yin O'zbekistonga qarshi uchrashuvga tayyorgarlik
Matbuot anjumanida Suriya terma jamoasi bosh murabbiyi Ayman Al-Hakim va futbolchi Muhammad Al Midani ishtirok etdi. Bu haqda Tojikiston futbol Federaciyasi rasmiy sayti xabar berdi.
- Avvalo ajoyib mehmondorchilik uchun minnatdorchilik bildirmoqchiman. JCH-2018 saralashi doirasidagi bahslardan oldin biz bilan o'ynashga rozi bo'lgani uchun Tojikiston futbol Federaciyasiga rahmat.
Biz 1 sentyabr kuni Toshkentda O'zbekiston terma jamoasiga qarshi o'ynaymiz. SHu bois Tojikiston bilan bahs biz uchun katta foyda. Ertangi uchrashuv men uchun Suriya terma jamoasi bosh murabbiyi sifatidagi debyut bo'ladi. Tojikiston bilan o'yinni men O'zbekistonga qarshi uchrashuvga tayyorgarlikning bir bosqichi sifatida qarayapman
Xo'jandga kelishdan oldin Suriyada bir oyga yaqin tayyorgarlik ko'rdik. Rossiyada yig'in o'tkazmoqchi edik, afsuski bu amalga oshmay qoldi. Agar biz bu erda shunday sharoitlar borligini bilganimizda vaqtliroq kelardik. FIFA kuni bo'lmagani uchun ertaga bir qator legionerlar xizmatidan foydalana olmaymiz. Xo'jandga 7 nafar legioner bilan tashrif buyurdik. Ertaga o'z jamoamdan yaxshi o'yin kutayapman.
Muhammad Al-Midani: - Suriya terma jamoasi safida ikkinchi bor Tojikistonga keldim. O'tgan yil Dushanbeda o'tgan o'rtoqlik uchrashuvida biz 3:2 hisobida g'alaba qozongandik. Ertangi bahsda qanday natija qayd etilishini taxmin qilishim qiyin, barchasini o'yin ko'rsatadi. Tojikiston o'z uyida o'ynaydi. Raqib safida yaxshi futbolchilar bor. Ertaga o'zimizning eng yaxshi o'yinimizni ko'rsatishga urinamiz.
![AMP Logo](https://championat.asia/image/logo-amp.png)
Fikrlar