Superliga. "Qo'qon-1912" ketma-ket uchta o'yinda mag'lub bo'ldi

Jamoa shu paytgacha to'rtta o'yinda maydonga tushgan bo'lsa, birortasida g'alaba qozona olmadi. Qo'qonliklar "Nasaf"ga qarshi ikkinchi bosqichni durang bilan boshlashgandi, shundan so'ng qatorasiga uch o'yinda mag'lubiyat alamini totib ko'rishdi.

Aytish mumkinki, ketma-ket 3ta bellashuvda mag'lub bo'lish "Qo'qon-1912" uchun bu yil hisobidan birinchi marta ro'y berdi. Jamoa bungacha ikki bor ketma-ket ikkita bellashuvda yutqazib qo'ygandi. No'mon Hasanov shogirdlari oxirgi uch uchrashuvda "Qizilqum", AGMK va "So'g'diyona"ga qarshi bahs olib borib mag'lubiyatni qayd etishdi.

Qolaversa, jamoa mana shu uch o'yinda faqat bitta gol urdi. Safardagi oxirgi ikkita bahsda esa bir xil 0:1 hisobida imkoniyatni boy berdi. "Qo'qon-1912" navbatdagi tur bahsini o'z maydonida "Neftchi"ga qarshi o'tkazadi.