Superliga. 12-tur laureatlari
05 iyu 2021 15:45
Yangiliklar
Championat.asia tur bahslari asosida tur laureatlarini aniqladi.
"Andijon" klubi bu tur safarda "Navbahor" mehmoni bo'ldi va g'alabaga erishdi. "Andijon" ajoyib o'yin ko'rsatdi va o'z tarixida ilk bor Namangandan uch ochko bilan qaytdi. SHu tufayli Yorqin Nazarov championat.asia sayti talqiniga ko'ra 12-turning eng yaxshi murabbiyi deb topildi.
"Andijon"ning "Navbahor" ustidan g'alaba qozonishida mehmonlar posboni Nizomiddin Ziyovutdinovning xizmati katta bo'ldi. U bellashuv davomida jamoasini bir necha bor muqarrar gollardan saqlab qoldi. SHu bois Championat.asia sayti talqiniga ko'ra, 12-turning eng yaxshi darvozaboni Nizomiddin Ziyovutdinov bo'ldi.
Bu turda ham "Qizilqum" yarim himoyachisi Erkin Baydullaev chiroyli gol urdi va ketma-ket ikkinchi marta tur goli muallifiga aylandi. Bu safar tajribali futbolchi "Mashal" darvozasiga jarimadan gol urdi.
"Bunyodkor" bu tur "Surxon" bilan Olmaliqda o'ynadi va 5:1 hisobida g'alaba qozondi. SHu kuni "qaldirg'ochlar" safida Farruh Ikromov dublga erishdi va juda faol o'ynadi. Uning reydidan keyin Erkinov gol urdi. SHu tariqa, Farruh Ikromov championat.asia talqiniga ko'ra 12-turning eng yaxshi futbolchisi deb topildi.
O'zbekiston chempionati turnir jadvali >>>>> Superliga
O’xshash yangiliklar
![AMP Logo](https://championat.asia/image/logo-amp.png)
Fikrlar