Superkubok oldidan. "Navbahor", "Neftchi", "Surxon" matbuot kotiblari qanday fikrda?
29 may 12:36
Yangiliklar

Superkubok oldidan. "Navbahor", "Neftchi", "Surxon" matbuot kotiblari qanday fikrda?

Bugun "Paxtakor" va "Nasaf" o'rtasida O'zbekiston Superkubogi uchun o'yin bo'lib o'tadi.

Ushbu uchrashuvdan oldin Superliga klublarida ishlayotgan matbuot kotiblarining fikrlari bilan qiziqdik.

"Bitta o'yindan iborat bo'lgan har qanday hal qiluvchi bahslarda jamoalar ehtiyotkorlik bilan harakat qilib, natija uchun o'ynaydi. Bo'lajak uchrashuv ham bundan mustasno bo'lmaydi, albatta.

“Paxtakor”ning tarkibi o'tgan yilgiga qaraganda, kuchsizlangan bo'lsa, “Nasaf” tarkibida yo'qotishlar bor. Bu ham o'yinga o'z tasirini o'tkazadi. SHu bois, takidlaganimdek, bellashuv unchalik shiddatli tarzda kechmasligi, jamoalar faqat natija uchun o'ynashi ehtimoli yuqori.

Menimcha, bo'lajak bahsda “Nasaf”ning imkoniyatlari biroz yuqori va ushbu o'yinda qarshiliklar g'alaba qozonishsa kerak", - dedi "Navbahor" matbuot kotibi Ulug'bek Umarov.

"Bugungi uchrashuvda qarshiliklarni favorit deyish mumkin, ular alaqachon "Paxtakor" bilan finallarda qanday o'ynashni biladi. Lekin Maksim SHackix aytganidek, agar yoshlarga yaxshi motivaciya berilsa, ularga faoliyatidagi birinchi katta yutug'ini yutish yaxshi singdirilsa toshkentliklarning maqsadi amalga oshadi. Imkoniyatlarni foizda ko'rsatadigan bo'lsam "Paxtakor" - "Nasaf" 45%-55%", - dedi "Neftchi" matbuot kotibi Saidafzal Abdullaev.

"Professional Boks muxlislari Tayson Fyuri va Oleksandr Usik o'rtasidagi jangni albatta tomosha qilishdi. Ukrainalik bokschi og'ir vaznda mutlaq jahon chempioniga aylangan. Superkubok uchun bahs aynan shu toifaga kiradi. Bu o'yinda xato qilish uchun imkoniyat yo'q va g'olib ramziy manoda mamlakatning mutlaq chempioniga aylanadi. So'nggi yillarning eng yaxshi jamoalari superkubok uchun o'ynashayotganida, boshqacha bo'lishi mumkinmi? Albatta, yo'q.

Qarshining “Nasaf” anchadan beri “Paxtakor”ga muntazam bosh og'riq keltiruvchi jamoa sifatida o'zini namoyon qilgan. Jamoaning o'ziga xos uslubi, katta tajribaga ega murabbiyi, iqtidorli futbolchilari bor. SHu bilan birga, “Paxtakor” har qanday holatda ham faqat g'alaba uchun kurashishini barcha skeptiklarga allaqachon isbotlab kelgan. “Paxtakor”ni bir qancha etakchilar tark etishdi, ammo shunga qaramay jamoa “Nasaf” bilan taqqoslanadigan o'yin ko'rsatmoqda. Qolaversa, "sherlar"ning o'zininng jokeri Dragan CHeran bor. U o'zbekistonlik Zlatan Ibragimovichga o'xshaydi: hamma uni nafaqaga jo'natadi, lekin bunga javoban u gollar uradi va to'xtab qolmoqchi emas

Balki uchrashuv penaltilar seriyasiga o'tishi mumkin, bunda asosiy faktor futbolchilarning nafaqat futbol fazilatlari, balki psixologiyasi ham bo'ladi. Ammo bu uchrashuvdan ko'p narsa kutish mumkin, chunki ushbu ikki jamoada o'yinning malum bir nuqtasida uchrashuv natijasini hal qila oladigan ajoyib o'yinchilar bor. Ikkala jamoada ham yo'qotishlar bor, ammo "Nasaf"da ham, "Paxtakor"da ham ularning o'rnini bosa oladigan futbolchilar zaxirasi bor. Masalan, “Surxon”ning “Nasaf”ga qarshi o'ynaganini eslayman, Akmal Mozgovoy Qarshi jamoasida himoyada o'ynagan. Bu omillarning barchasini hisobga olsak, Maksim SHackix va Ro'ziqul Berdiev o'rtasidagi jang yanada qiziqarli bo'lib bormoqda.

Lekin bu o'yin sermaxsul bo'ladi deb o'ylamayman. Bu nafaqat Superkubok g'olibini aniqlaydigan jang. Bu o'zbek futboli uchun o'ziga xos reklama bo'ladigan o'yin. Ikki teng jamoa. Ikki buyuk kuch. Bitta kubok. Ko'rish kerak bo'lgan o'yin. CHet el ommaviy axborot vositalarida aytilganidek - Must See", - dedi "Surxon" matbuot kotibi Evdokim Raimov.

Paxtakor

Dragan CHeran - 55', SHahzod Azmiddinov - 90', Umar Adhamzoda - 90', Dostonbek Hamdamov - 90'

O'zbekiston Superkubogi. 1-tur

29/05/2024, 19:00

Tugadi

Nasaf

Sharof Muhitdinov - 80', Javohir Sidiqov - 90', Akmal Mozgovoy - 90', Abduvohid Nematov - 90', Viktor Da Silva - 90'

45'

90'

Match-senterda ochish

Havola :

Manba : championat.asia

Yangiliklarni Telegramda o'qing!

Reyting: +2