Supergol kiritgan Isich, "Buxoro"ni taslim etgan Nikibadze va boshqalar - Superligada 16-tur laureatlari

Championat.asia talqiniga ko'ra Coca Cola Superliga 20-turi ramziy terma jamoasi

Darvozabon: Artyom Potapov (Surxon)

Himoyachilar: Hojiakbar Alijonov (Paxtakor), Muhammadali Aliqulov (Metallurg), Zoir Jo'raboev (Neftchi), SHohruh Gadoev (OKMK);  

Yarim himoyachilar: Ifeani Ifeani (Qizilqum), Bobur Asqarov (Surxon), Azizbek Amonov (Nasaf), Oston O'runov (Navbahor), Islom Kenjaboev (Qizilqum)

Hujumchi: Giorgi Nikabadze (Neftchi)

Championat.asia sayti talqiniga ko'ra, 20-turning eng yaxshi darvozaboni - Artyom Potapov ("Surxon"). 

"Surxon" darvozaboni "Bunyodkor"ga qarshi uchrashuvda juda ishonchli harakat qildi va bir nechta kuchli seyvlarni amalga oshirdi. Yakunda esa "Surxon"ning raqib maydonidagi g'alabasiga munosib hissa qo'shdi.

Championat.asia sayti talqiniga ko'ra, 20-turning eng yaxshi futbolchisi  - Giorgi Nikabadze ("Neftchi").

Duranglar qayd etayotgan "Neftchi" va nihoyat ushbu tur Superligada g'alaba qozondi. Giorgi Nikabadze "Buxoro"ning yirik hisobda taslim etilishida asosiy rolni bajardi. Futbolchi bu uchrashuvda dubl qayd etdi va jamoasining g'alabasiga munosib hissa qo'shdi.

Championat.asia sayti talqiniga ko'ra, 20-turning eng chiroyli goli muallifi - Tarik Isich ("So'g'diyona").

"So'g'diyona" futbolchisi Tarik Isich "Qizilqum"ga qarshi o'yinda juda ajoyib gol kiritdi. Ushbu golni ijtimoiy tarmoqlar foydalanuvchilari allaqachon "Pushkash" sovrini uchun nomzodlar ro'yxatiga ham "qo'shib qo'yishdi".

Championat.asia sayti talqiniga ko'ra, 20-turning eng yaxshi murabbiyi - Jamshid Saidov ("Qizilqum").

"So'g'diyona"ga qarshi o'yinda Jamshid Saidov boshchiligidagi "Qizilqum" 4:2 hisobida zafar quchdi. Jamoa ushbu uchrashuvda juda ajoyib harakat qildi va bu mavsumda birinchi marta raqibi darvozasiga bitta o'yinda to'rtta to'p kiritdi.