Sunnatilla Abdullajonov: "Debyut o'yinda gol urish yoqimli"
03 avg 2021 19:15
Yangiliklar
![](https://championat.asia/upload/storage/651222_original.jpg)
![](/upload/storage/651222_220.jpg)
Sunnatilla Abdullajonov: "Debyut o'yinda gol urish yoqimli"
Futbolchi "Andijon" bilan debyut o'yinida faol o'yin namoyish etdi va gol urdi.
Xabaringiz bor, saytimiz talqiniga ko'ra Sunnatilla Abdullajonov 13-tur ramziy terma jamoasidan o'rin oldi. SHu munosabat bilan muxbirimiz ushbu futbolchi bilan intervyu tashkil etdi.
- Sunnatilla, "Turon" tarkibiga kelib qo'shilishingiz qanday yuz berdi?
- "Turon" klubi safiga qo'shilishimga asosiy sabablardan biri jamoada Igor SHkvirin bosh murabbiy sifatida faoliyat olib borayotgani bo'ldi desam to'g'ri bo'ladi. Igor Anatolevich bilan ilgari ham birga ishlaganmiz. U kishi 2016 yilda Oliy ligada debyut qilishimga imkoniyat yaratib bergan edi. SHu sababli hamisha Igor SHkvirindan minnatdorman. Yozgi transferlar vaqtida oldimda Superliganing boshqa klublaridan ham takliflar bor edi. Lekin har tomonlama o'ylab ko'rgan xolda "Turon" variantida to'xtaldim.
- Muxlislar uchun bu qiziq, qachon va qaerda tug'ilgansiz? SHuningdek, qaysi klub tarbiyalanuvchisi hisoblanasiz?
- Men 1996-yilda Toshkent shahrida tug'ilganman. "Bunyodkor" akademiyasi tarbiyalanuvchisiman.
- "Turon" 7-raqamli libosda harakat qilayapsiz, bu o'zingizning tanlovingizmi?
- Ha, bu raqamni o'zim tanladim, 7-raqamni yoqtiraman.
- Debyut o'yinida kiritgan golingiz bilan tabriklaymiz. SHuningdek saytimiz talqiniga ko'ra, 13-tur ramziy terma jamoasiga kiritildingiz. Taasurotlar qanday?
- Tabrik va etibor uchun katta rahmat! Avvalo "Turon" klubi rahbariyati va murabbiylar shtabiga menga ishonch bildirganliklari uchun minnatdorchilik bildiraman. Debyut o'yinda gol urish juda yoqimli. SHuningdek tur ramziy terma jamoasiga loyiq topilganim menga qo'shimcha ishtiyoq beradi.
"Andijon" bilan o'yinda gol urib jamoamiz g'alabasiga o'z hissamni qo'shmoqchi edim. Gol urishga erishdim, lekin afsus g'alabani saqlab qola olmadik.
- Kelajakdagi maqsad va rejalaringiz qanday?
- Birinchi navbatda joriy mavsumda "Turon" oldiga qo'yilgan vazifani bajarishga yordam berish asosiy maqsadim hisoblanadi. Har bir o'yinda astoydil harakat qilgan xolda jamoaning g'alabalariga o'z hissamni qo'shmoqchiman. Kelajakda esa milliy terma jamoamiz safida maydonga tushish, shuningdek legioner maqomida o'ynash maqsadlarim bor.
Bekzod Tolibov yozib oldi
O’xshash yangiliklar
![AMP Logo](https://championat.asia/image/logo-amp.png)
Fikrlar