Suhrob Nematov: “Bizga bitta g'alaba kerak. Keyin hammasi yaxshi bo'ladi”

Uchrashuvdan so'ng jamoa sardori Suhrob Nematov bilan suhbatlashdik.

- “Andijon”ning joriy mavsum hisobidan o'z maydonida ilk uchrashuvini o'tkazishini va bahs oson bo'lmasligini yaxshi bilardik. SHunga monand tayyorgarlik ko'rdik va safardan imkon qadar ochko olib qaytish uchun astoydil xarakat qildik. Afsuski rejamiz amalga oshmadi.

- O'yin haqida nima deyishim mumkin? Menimcha maydonda teng kurash kechdi. Ikkinchi bo'limda bizda ham bir qator golli vaziyatlar bo'ldi. Ammo ulardan unumli foydalana olmadik. Bunda kimnidir ayblash noo'rin deb bilaman.
- O'zimni ko'rsatgan o'yinim haqida yaxshisi murabbiy fikr bildirgani maqul. Iikkinchi bo'lim o'rtalariga kelib bosh murabbiyning qaroriga ko'ra o'rnimni boshqa bir jamoadoshimga bo'shatib berdim. CHunki qolgan daqiqalarda tavakkalchilikka qo'l urildi va ikkita sof hujumchi bilan o'ynadik.



- Jamoada yaratilgan sharoitlar yaxshi. Bu borada hammasi ko'ngildagidek. Lekin shunga qaramay muxlislarimizni quvontira olmayotganimiz alam qilyapti. Etibor bersangiz bu yil ham tarkib deyarli yangitdan tuzildi. Balki yangi kelgan futbolchilarning yangi muhitga to'liq moslashib ketishi uchun vaqt kerakdir.

- Bizga bitta g'alaba kerak. SHunda keyin hammasi yaxshi bo'lishiga ishonaman.

- Legionerlar? Keling, yaxshisi bu savolni ochiq qoldiraylik.


Islombek Rustambekov.