Suares Neymar va Lautaroning ehtimoliy transferiga munosabat bildirdi

"Hozir bu o'yinchilar haqida bir nima deyish mushkul. Jahondagi vaziyatni inobatga olsak, jamoani kim kuchaytira olishi borasida aniq fikr aytish ham qiyin. Ammo men har doim kuchli futbolchilarga xayrixoh bo'lganman.

Neymar kiyinish xonasida uni qanchalik qadrlashimizni biladi. U klubga ko'p narsa berishi mumkin, shuning uchun bu erda juda iliq kutib olinadi.

Lautaroga kelsak, u Italiyada katta o'sishga erishdi. O'zining aql bovar qilmas harakatlari bilan ajoyib "to'qqizlik" hujumchi ekanini isbotladi.

"Barselona"da har doim sog'lom raqobat bo'lgan, bundan keyin ham bo'ladi. SHuning uchun biz asosiy tarkib uchun kurashadigan futbolchilarni doim samimiy kutib olamiz. Jamoamiz ular bilan faqat kuchayadi", – dedi urugvaylik forvard.