“Sport” telekanali Evropa CHempionlar ligasining yangi mavsumini translyaciya qilish imkonini izlamoqda
06 avg 2015 12:38
Yangiliklar

“Sport” telekanali Evropa CHempionlar ligasining yangi mavsumini translyaciya qilish imkonini izlamoqda

O'zbekiston milliy teleradiokompaniyasining “Sport” telekanali Evropa CHempionlar ligasining 2015-2016-yilgi mavsumi o'yinlarini translyaciya qilish imkoniyatlarini izlamoqda. Bu haqda “Daryo”ga telekanalning xalqaro aloqalar bo'limida malum qilindi.

Qayd etilishicha, bu yuzasidan haligacha kelishuvga erishilmagan, hozircha translyaciya huquqi qo'lga kiritilmagan. Muzokaralar ijobiy yakun topsa, bu haqda “Daryo” orqali bilib olishingiz mumkin bo'ladi.

O'zbekistonda xususiy kompaniyalar tomonidan retranslyaciya qilinadigan Rossiyaning “NTV Plyus” kanali matbuot xizmati bilan bog'langanimizda, telekanal tomonidan Evropa CHempionlar ligasini translyaciya qilish huquqi bo'yicha o'tkazilayotgan muzokaralar hozirda yakuniy bosqichga kirgani malum qilindi.

Evropa CHempionlar ligasini translyaciya qilish huquqini MDH mamlakatlari ichida hozircha faqat Ukrainada Media Group Ukraine kompaniyasi, shuningdek, Turkiyada TRT telekanali va Turk Telekom kompaniyasi qo'lga kiritgan.

Havola :

Manba : daryo.uz

Yangiliklarni Telegramda o'qing!

Reyting: +6