SHukurovga jarohat etkazgan futbolchi klubi tomonidan jazolandi

Xitoylik futbolchi O'zbekiston terma jamoasiga qarshi China Cup-2019 turnirining 3-o'rin uchun bahsida yarim himoyachi Otabek SHukurovga jiddiy jarohat etkazgan edi.

Vei SHixaoning transfer huquqiga egalik qiluvchi "Guanjou Evergrand" futbolchini O'zbekistonga qarshi bahsdagi ishi uchun jazolashga qaror qildi. 23 yoshli yarim himoyachi bir oy davomida "Guanjou" uchrashuvlarida maydonga tusha olmaydi. Bundan tashqari, klub futbolchining harakatini to'liq o'rganib chiqadi va uni bir umrga klubdan chetlatishi ham mumkin.

Xitoy - O'zbekiston uchrashuvidan (0:1) so'ng futbolchi Otabek SHukurovni ko'rgani kelgan va hamyurtimizdan kechirim so'ragan edi. Ammo klub Vei SHixao kechirim so'rash kam deb hisobladi va unga jiddiy jazo berishga qaror qildi.