SHuiji Takamura: "O'zbekiston chorak finalning ham favoriti, ham autsayderi"

Mazkur inshootda iayni paytda O'zbekiston, Yaponiya, Janubiy Koreya va Iordaniya terma jamoalari azolari istiqomat qilishyapti. Saudiya Arabistoni bugun ortga qaytishi lozim edi. 

Yaponiya OAVda faoliyat olib borayotgan SHuiji Takamura bilan qisqacha suhbatda bo'ldik.

"Agar terma jamoangiz bugungi o'yinini 1/4 finalda ham ko'rsata olsa, bu sizlarni uchrashuv favoritiga aylantiradi. Agarda harakatingiz Xitoyga qarshi o'yindek bo'lsa, sizlar autsayder vazifasini o'taysizlar. O'zbekiston terma jamoasi uchta o'yinda uch xil ko'rindi. Bir xillik yo'q. Bu ham yaxshi, ham yomon. Boisi muxlislaringiz bugun qanday o'ynashingizni bilishmaydi. 

So'nggi turda ochig'i men terma jamoangizdan bunday o'yin kutmagandim. SHunchaki hammasi ajoyib. 4-raqamdagi futbolchi menda iliq taassurot qoldirdi. Ahmedov va Denisov ham o'z repertuarida. Bunday qiyin vaziyatdan hamma ham chiqib keta olmaydi. Men hakamning qarorini nazarda tutyapman" - deydi Takamura.

Bevosita terma jamoasi haqida esa u quyidagilarni gapirib o'tdi:

"Kagava hali o'zini ko'rsata olgani yo'q. O'zi terma jamoamiz guruh o'yinlarida hech qachon bor mahoratini ishga solmagan, 1/4 finaldan boshlab tezlikni oshiramiz. 2011 yilgi Osiyo Kubogini yodga olsak kifoya. Lekin Osiyoda futbol tezlik bilan o'sayotganini ham unutmasligimiz kerak. Yaponiya hozir avvalgi yillardagidek osonlik bilan yutayotgani yo'q".

Nodirxo'ja Yuldashev.