SHuhrat Rahmonqulov: “Birinchi liganing saviyasi yildan-yilga tushib ketmoqda”

- O'yin haqida nima ham derdim, raqib jamoa juda ham bo'sh ekan. Bu gapim bilan ularni kamsitmoqchi emasman. Lekin haqiqatdan ham g'ijduvonliklar jiddiy qarshilik ko'rsata olishmadi. “Paxtakor-2”ni kuchli o'yin ko'rsatdi deya olmayman. Yigitlar har doimgidek o'yinni namoyish etdi. Raqib jamoaning kuchsiz ekanligi ilk daqiqalardanoq bilinib qoldi. 3-daqiqada hisob ochilgach, keyin hammasi bizning foydamizga hal bo'ldi. Birinchi taymning o'zidayoq hisob 4:0 ko'rinishga kelgandi. Endi o'zingiz xulosa qilavering. Aytishlaricha “G'ijduvon” Toshkentga bir nechta jiddiy yo'qotishlar bilan kelgan ekan. Balki tajribali futbolchilarining yo'qligi ularga tasir o'tkazgandir.  

- Ochig'ini aytganda, birinchi liganing saviyasi yildan-yilga tushib ketmoqda. Bunga nima sabab bo'layotgani yoki qanday qilib saviyani oshirish kerak degan savol ko'ndalang turibdi. Aniq bir nima deyish qiyin. Ilgari birinchi liga o'yinlari boshqacha ruh ostida o'tardi. Hozir huddi bir shahar birinchiligiga o'xshab qolgandek tuyulmoqda. Oddiy bir misol aytadigan bo'lsam, yaqin-yaqingacha “Paxtakor-2”dagi yigitlar o'yinga tushayotganida raqibdan ozgina bo'lsada, hayiqib tushardi. CHunki bilasiz bizda akademiya bitiruvchilari xarakat qiladi. SHu bois o'zlaridan bir muncha tajribali bo'lgan raqiblari oldida yirik hisobda taslim bo'lmasmikin degan fikr yangrardi. Bugungi kunda esa yosh futbolchilarimiz o'yinga hotirjam chiqib kelishmoqda. Ularda hech qanday qo'rquv yoki hayajon yo'q.

Islombek Rustambekov.