SHuhrat Maqsudov: "Bizni hurmat qilishmasa ham, O'zPFLni hurmat qilishsin"
26 avg 2021 20:06
Yangiliklar
![](https://championat.asia/upload/storage/654995_original.jpg)
![](/upload/storage/654995_220.jpg)
SHuhrat Maqsudov: "Bizni hurmat qilishmasa ham, O'zPFLni hurmat qilishsin"
- O'yin haqida
- Fursatdan foydalanib, o'zim va klubimiz nomidan barcha yurtdoshlarimizni Mustaqilligimizning 30 yillik bayrami bilan tabriklayman. Jannatmakon yurtimizga ko'z tegmasin ilohim. SHuningdek, bir insonga alohida minnatdorchilik bildirmoqchiman. "Andijon" klubi rahbari Juratbek bizni iliq kutib olgan xolda munosib izzat-ikrom ko'rsatishdi.
Kuni kecha o'yinoldi mashg'ulot jarayonida avval ko'rmagan xolatimga duch keldim. Biz mashg'ulot o'tkazayotgan maydonga "Andijon" vakillari ham kirib kelishdi. Bir maydonda ikki jamoa o'yinoldi mashg'ulot olib borishdi. Ochig'i, juda ham xayratdaman. Odatda mehmonni hurmat qilish kerak. Bu borada O'zPFLni qonun-qoidalari bor. SHu sabab mashg'ulot o'tkazmasdan ham maydonni tark etdik. Bizni hurmat qilishmasa ham, O'zPFLni hurmat qilishlari kerak. Hammasi yaxshilikka bo'lsin.
Bevosita endi o'yin haqida aytadigan bo'lsam, qo'ldan kelganicha "Andijon" rahbariyati stadionni o'yinga tayyorlab berishgan. Maydon borasida ozroq qilinadigan ishlar bor, lekin bu erda astoydil harakat qilingani ko'rinib turibdi.
Futbolchilarimizga katta rahmat aytaman, maydonda ular mehnat qilishadi. Bugun futbolchilarimiz ko'rsatmalarni alo darajada bajarishdi.
- Jamoada asosan, yoshlar o'ynaydi. Ular bilan tarbiyaviy ishlar ham olib boriladimi?
- Boshqa jamoalar haqida aytmoqchi emasman, lekin bizda tarbiyaviy ishlar joyida olib boriladi.
- Bu savol Ikromovning golni nishonlashi yuzasidan berildi. U muxlislarga qarata xunuk harakatni amalga oshirdi...
- SHaxsiy fikrimcha, Farruh bu erda muxlislarga nisbatan nojo'ya harakat qilmadi. Uni yoshligidan buyon bilaman. Odobli yigit, bunday harakatni amalga oshirmaydi. Agar muxlislar uning harakatidan ranjishgan bo'lsa, Farruhning nomidan uzr so'rayman.
- "Andijon"ni Superligada qolish imkoniyatlarini qanday baholaysiz?
- Bu juda qiyin savol. "Andijon” bugun chiroyli gol urdi. Adashmasam, jamoaning 6 nafar futbolchisi bizning tarbiyalanuvchilar hisoblanadi. Hamma jamoada imkoniyat bor, omad ham kerak futbolda. "Andijon"ga navbatdagi tur uchrashuvlarida omad tilayman.
O’xshash yangiliklar
![AMP Logo](https://championat.asia/image/logo-amp.png)
Fikrlar