"SHtutgart" endi transfer siyosatini o'zgartiradi

Ammo SHtutgart shahri sharafini himoya qiluvchi jamoa so'nggi yillarda o'zidan kutilgan o'yinni namoyish qila olmay kelmoqda. SHu boisdan "SHtutgart" ning yangi prezidenti jamoaning transfer siyosatini o'zgartirishga qaror qildi.
klubni bu mavsumda ham omadsiz o'yinlar taqib qilmoqda. Jamoa birinchi davra yakuniga ko'ra o'ninchi pog'onani band etib turibdi. SHonli o'tmishga ega bo'lgan jamoa uchun bunday o'rin yarashmasligi tabiiy. SHu sababdan "SHtutgart" jamoasi yangi prezidenti etib saylangan Bernd Vayler transfer siyosatiga o'zgartirish kiritishga qaror qildi.

"SHtutgart" ko'p yillardan buyon yuqori narxlarga chetdan o'yinchi harid qilib emas, balki o'zidan yosh istedodlarni etishtirib chiqarish orqali faoliyat yuritib kelardi. Yangi sotib olinadigan futbolchilar uchun ham unchalik qimmat narxlar to'lanmas edi. Buning natijasida klubning natijalari ancha pasayib ketdi. Bu holatdan chiqishni ko'zlayotgan yangi rahbar, chetdan qimmat narxga bo'lsa-da yaxshi o'yinchilar sotib olmoqchi.

"Biz endi olti - etti millionga bo'lsa-da yaxshi o'yinchilar harid qilamiz. Bir nechta o'yinchini ko'z ostimizga olib qo'ydik. Ularni sotib olish uchun keragicha sarflashga tayyormiz", - deydi "SHturgart" sport direktori Fredi Bobich.

"SHtutgart" bunday shov-shuvli transferlarni qishdayoq amalga oshirish niyatida. Ko'ramiz, qimmat o'yinchilar sotib olinishi jamoaga qay darajada naf berar ekan…