SHohruz Norxonov: “Oldingi holatimga chiqa olmayapman, buni inkor qilmayman”

Ilk turda Muborakda “Mashal” mehmoni bo'lib yirik hisobda mag'lubiyatga uchradi. Keyingi uchrashuvlarda ham ijobiy natijaga erishgan yo'q. Ortda qolgan uchta tur hususida jamoaning maxoratli hujumchisi SHohruz Norxonov fiklarini bildirib o'tdi.

“To'g'ri, masumni o'zimiz xohlagandek boshlay olmadik. Lekin, oldimizga qo'yilgan maqsad sari intilishda davom etamiz. Ishlashdan, harakat qilishdan to'xtamaymiz. Hozirgi vaqtda Superliga o'yinlari vaqtinchalik qoldirildi. Buni to'g'ri tushunishimiz darkor. Sog'liq doim hamma narsadan ustun turadi. Qatorasiga uchinchi yildirki “Sug'diyona” sharafini himoya qilmoqdaman. CHempionat startida qoniqarli natijalar ko'rsata olmasligimiz mumkin. Ammo, oxirgacha kurashib munosib o'rinlarni egallaymiz.

Darajam avvalgidan tushganiga sabab nima? Ishlashda davom etaman. Oldingi yuqori holatimga chiqa olmayapman, buni inkor qilmayman. O'zimni ko'rsatishga astoydil harakat qilaman. Qolganini vaqt ko'rsatadi. Milliy terma jamoa bilan fevral oyidagi yig'inda qatnashdim. Bu menga qo'shimcha kuch beradi va o'zimga bo'lgan ishonchni oshishiga xizmat qiladi”, - deydi Norxonov.

Abdulaziz Iskandarov yozib oldi