SHohruh Ishanov: "Bizda charchoq alomatlari ko'rinib qoldi"

O'yin haqida

- "Qo'qon-1912"ni g'alaba bilan tabriklayman. Ko'rdinglar, ajoyib o'yin bo'lib o'tdi. Ikki jamoa ham hujumkor futbol namoyish etdi. Yaqinda Ispaniyada bo'lib o'tgan musobaqada ishtirok etib qaytdik. SHu bois bugungi o'yinda asosan yoshi nisbatan kattaroq futbolchilarga imkoniyat berdik. Yoshlarni asosiy tarkibda tushira olmadik. Biz charchoq alomatlari ko'rinib qoldi.

- Jamoangiz birinchi bo'limda yuzaga kelgan imkoniyatlardan to'g'ri foydalanganida natija boshqacha bo'lardi. Bu borada fikringiz qanday?

- Bizda charchoq alomatlari ko'zga tashlandi. O'yin davomida 5-6 ta juda qulay vaziyatlardan foydalana olmadik. Xatto 10 metrlik farq bilan oldinga chiqib borgan futbolchimizning ortidan himoyachi etib kelib to'pni olib qo'yyapti. Navbatdagi turda "G'ijduvon" bilan o'ynaymiz, albatta bu kabi muammolarni bartaraf etgan xolda vaziyatlardan unumli foydalanish ustida ishlaymiz.