SHohruh Gadoev - AGMK futbolchisiga aylandi

O'zining chiroyli o'yini va tezkor harakatlari bilan tanilgan ajoyib mahorat egasi SHohruh Gadoev jamoamiz azosiga aylandi.

SHohruh Gadoev erkin agent sifatida AGMK bilan 2021 yil yakuniga qadar shartnoma imzoladi.

SHohruh Gadoev 1991 yil 31 dekabrda tavallud topgan. 2010-2015 yillar davomida «Nasaf» sharafini himoya qilgan hamda 2015-2016 yillarda Bahraynning “Muharraq” jamoasida to'p tepgan va 2016-2017, 2019 yillar mobaynida Toshkentning "Bunyodkor" jamoasida o'ynagan hamda 2019-2020 yilgi mavsumlarda Janubiy Koreyaning «Tejon Sitizen» jamoasi safida o'ynagan va bir muddat «Buxoro»da ijara asosida harakat qilgan. 2020 yilgi mavsumni esa Ozarboyjonning «Keshla» klubida o'tkazgan. 

SHohruh Gadoev 9 yillik faoliyati davomida jami 207 o'yin o'tkazgan va 35ta golga mualliflik qilgan.

AGMK ahil oilasiga xush kelibsan, SHohruh!, - deb yozadi AGMK klubi matbuot xizmati.