Shirinboy Abdullaev: "O'zimizning xatomiz tufayli mag'lub bo'ldik"

- "Buxoro" jamoasi mavsumdagi dastlabki uchrashuvini o'tkazdi. Dastlabki taassurotlar qanday? "Buxoro" mag'lubiyatga uchrashga loyiq edimi?

- Biz mavsumga yaxshi tayyorgarlik ko'rdik. Bugungi bahs ham ancha yaxshi o'tdi. Birinchi o'yin bo'lgani uchun ikki jamoada ham hayajon sezildi. O'zimizning xatomiz tufayli mag'lubiyatga uchradik. Keyingi bahslarga yaxshiroq tayyorgarlik ko'ramiz. Bugun ikki jamoa ham durangga munosib o'yin namoyish etgandi. Bahs so'ngida esa xatoga yo'l qo'ydik va gol o'tkazib yubordik. O'sha vaziyatda fol bor edi deyishmoqda. Tez orada ushbu holat bo'yicha yakuniy qarorni bilib olamiz. Durangga loyiq o'yin ko'rsatgan edik, nazarimda.

- OKMK tarkibi jihatidan "Buxoro"dan kuchliroq jamoa. "Buxoro"ning keyingi raqibi esa "Qizilqum" bo'ladi. Bugungi mag'lubiyat "Qizilqum"ga qarshi bahsdan oldin salbiy tasir o'tkazmaydimi?

- OKMK o'tgan mavsumda kumush medallarini qo'lga kiritgandi. Biz bugun yaxshi qarshilik ko'rsatdik, ulardan yomonroq o'ynaganimiz yo'q. "Qizilqum" bilan o'z uyimizda o'ynaymiz va yaxshi tayyorgarlik ko'rib, g'alaba qozonishga intilamiz.