SHerzod Nasrullaev: "Rossiya bizga qarshi asosiy tarkibni tushiradi, deb o'ylayman"

Rossiya bilan o'tadigan bellashuvga jiddiy tayyorgarlik ko'rayotgan terma jamoamiz g'alaba bilan yana bir bor xursand qilishlariga ishonamiz. SHerzod Nasrullaev fikrimizga qo'shilgan holda tayyorgarlik jarayonlariga to'xtaldi. 

"Qozog'iston bilan yaxshi o'yin o'tkazdik. Rossiya bilan ham yomon uchrashuv bo'lmasligi aniq. Ular Tojikiston bilan bahsda kerakli futbolchilarni tushirmadi. Bizga qarshi asosiy tarkib o'ynaydi, deb o'ylayman. Boshqacha o'yin ko'rsatishlari mumkin.  Muxlislarni stadionga chorlab qolamiz. Yolg'izlatib qo'yishmaydi, deb o'ylayman. 

"Nasaf" va mavsumga to'xtalsam, muhim ochkolarni yo'qotdik. Oxirgi turlarda charchoq ham o'z so'zini aytdi",- deydi SHerzod Nasrullaev.