"SHerdor" futbolchilarining "Yozyovon" bilan o'yindan oldingi fikrlari

Mazkur uchrashuvdan oldin “SHerdor” futbolchilari o'z fikrlarini bildirib o'tdi.

G'olibjon Sariboev: − Yozyovonda bo'lib o'tgan o'yinda jamoamiz alamli mag'lubiyatga uchragan edi. “Yozyovon”dan uchralgan mag'lubiyat shunchaki tasodif ekanligini bugungi o'yinda isbotlashga harakat qilamiz.

− Ertangi o'yinda “SHerdor”ni asosiy quroli kim?
− Kim bilsin, balki hujimchimiz Faxriddin Alimovdir?! Bu borada men biror nima deya olmayman.

− Jamoa so'nggi o'yinlarda ijobiy natijalarni qayd etmoqda. Bugun ham qiziqarli bahsning guvohi bo'lamizmi?
− Buni oldindan aytib bo'lmaydi. Raqibimiz ham oddiy jamoa emas. Harakatda barakat. Jamoamiz bilan birgalikda harakat qilsak albatta ijobiy natijaga erishamiz.

Otabek Hamraqulov: − Bugungi o'yinda g'alaba qozonishga harakat qilamiz. Maqsadimiz muhim 3 ochkoni qo'lga kiritish.  
− Jamoaning so'ngi o'yinlardagi g'alabali seriyasiga nima sabab bo'lyapti deb o'ylaysiz?
− Eng avvalo jamoamizdagi shijoat, futbolchilarning g'alabaga bo'lgan chanqoqliligi. Boisi, jamoamiz asosan yoshlardan iborat. Ularning ham maqsadi Super liga jamoalarida to'p surish. SHu bois ham ular har bir o'yinda o'zining bor iqtidorini ko'rsatishga, murabbiylar etiboriga tushishga harakat qiladi. G'alabalarimizning yana bir jihati bu – murabbiy faktori.

Bekzod Ro'zmatov: − Aynan “Yozyovon” jamoasiga qarshi o'yinda maydondan chetlatilgan edim. Boz ustiga jamoamiz o'sha o'yinda mag'lubiyatga ham uchragan edi. SHu bois ham yirik hisobda mag'lubiyatga uchraganimiz uchun qaysidir manoda alamimiz bor. Bugun jamoadoshlarim bilan birgalikda bor imkoniyatimizni ishga solib g'alaba qozonishga harakat qilamiz. O'yinga jiddiy tayyorgarlik ko'rdik. Jamoaning kayfiyati alo. O'yinga yuz foiz tayyormiz.