SHavkat Saidov: "Qizilqum" mustahkam himoya chizig'iga ega, tartibli jamoa"

SHavkat Saidov, “Metallurg” FK jamoa boshlig'i: - Bugun havo haroratining nihoyatda ko'tarilib ketganligi o'yin sifatiga tasir etmasdan qolmadi. Ayniqsa birinchi taymda jamoa o'yinchilariga tezlikni saqlash, to'pni nazoratda ushlab turish borasida qiyinchiliklar tug'dirdi. Ikkinchi taymga kelgach o'yin tempi oshdi. Menimcha, haqli g'alabaga erishdik. Sababi juda ko'plab gollik vaziyatlar yaratdik. “Qizilqum” mustahkam himoya chizig'iga ega, tartibli jamoa. Ularni yaxshi tayyorgarlik va katta ishtiyoq evaziga mag'lubiyatga uchratdik. Buning uchun futbolchilarga rahmat aytmoqchiman. Bir kunlik dam olishdan so'ng, “Neftchi”ga qarshi uchrashuvga tayyorgarlikni boshlaymiz. Davralar oralig'ida har bitta o'yin juda muhim ahamiyat kasb etadi, deydi SHavkat Saidov.

"Metallurg" matbuot xizmati