SHavkat Saidov: "Andijon" oliy ligada qolsa xursand bo'laman"

"O'yin teng kurashlar ostida kechdi. SHu bois durang natijasi adolatli bo'ldi deb o'ylayman. Jamoamning himoyaviy o'yinidan qoniqdim, hujumdagi harakatlaridan qoniqmadik. 28 oktyabr kungi "Bunyodkor"ga qarshi bahsga yaxshiroq tayyorgarlik ko'ramiz.

"Andijon"da ortga yo'l yo'q edi. O'tgan yil bu jamoa bizni mag'lub etgandi. Raqibning standart vaziyatlaridan biroz qo'rqqandik. Ammo shukurki vaziyatlar deyarli bo'lmadi.

Bugun biz 2 ochko yo'qotdik. Kuchli oltilikka kirishda mavsum oxirida bu yo'qotilgan 2 ochko etmay qolishi mumkin.

"Andijon"ning o'yinlarini ko'rib chiqqandik. Davralar oralig'ida ham aynan shu hisob qayd etilgan edi. Ammo o'shanda jamoa menga ko'proq yoqqandi. "Andijon"ga omad tilayman, jamoa oliy ligada qolsa xursand bo'laman", deydi SHavkat Saidov.

"Andijon" matbuot xizmati