“Setanta Sports”dan avgust oyi auditoriyasi bo'yicha yakunlar: eng ko'p ko'rilgan o'yin, turnir va jamoalar

O'zbekistonda avgustda eng ko'p tomoshabin “CHelsi” – “Liverpul” bellashuvini tomosha qilgan. Keyingi o'rinlarda “Tottenxem” – “Manchester Yunayted” va “Nyukasl” – “Liverpul” o'yinlari joylashgan. O'tgan oyda eng ko'p auditoriyali 10 voqeadan 9tasi APL bahslari bo'lgani etiborga molik. Sterling va O`Melli o'rtasida o'tgan UFC jangi ham O'zbekistonda ko'p tomosha qilingan.

Eng ko'p ko'rilgan turnirlar borasida Angliya premer-ligasi, Ispaniya La Ligasi va Saudiya Arabistoni Pro ligasi dastlabki uchlikdan o'rin olgan. Bu ko'plab yulduz futbolchilar ko'chib o'tgan Saudiya chempionatiga qiziqish oshganini ko'rsatadi. Ushbu liga o'yinlari Franciya, Germaniya va Italiya chempionatlariga nisbatan ko'proq tomosha qilinmoqda. UFC, tennis bo'yicha WTA va ATP musobaqalari, “Formula-1” ham top-10da joylashgan.

APL singari Angliya klublari ham eng ko'p qiziqishga sabab bo'lgan. “Liverpul”, “CHelsi” va “Manchester Yunayted” O'zbekistonda eng ko'p kuzatilgan jamoalar uchligida. “Al Nassr” o'yinlarini “Bavariya”ga nisbatan ko'proq odam ko'rgan.

“Setanta Sports”da O'zbekiston hududida avgust oyida eng ko'p auditoriya yiqqan voqealar

“Setanta Sports” telekanali va setantasports.com platformasida barcha davlatlardagi ko'rsatkichlarda kichik o'zgarishlar mavjud. Avgustda top-10 auditoriya jalb etgan voqealarning barchasi APL o'yinlariga tegishli bo'lgan. Bunda kuchli uchlikda o'zgarish bo'lmagan. Eng ko'p tomosha qilingan musobaqalar borasida ham o'zgarish yo'q – APL, La Liga va Saudiya Pro ligasi. O'zbekistonda ham, boshqa davlatlarda ham Franciya chempionati avgust oyida Germaniya va Italiya chempionatlariga nisbatan ko'proq auditoriyaga ega. Eng ko'p qiziqishga sabab bo'lgan jamoalar o'nligida umuman o'zgarish kuzatilmagan.

“Setanta Sports”da barcha hududlarda avgust oyida eng ko'p auditoriya yiqqan voqealar

Reklama