Sergey Lushchan: “Vaziyat yomonlashayotgani haqidagi fikrlarga qo'shilmayman”

- O'yinimiz yomon bo'lmadi. O'yin jihatdan asta-sekinlik bilan harakatlarimiz yaxshi tomonga o'zgarmoqda. Yigitlar sekin-sekin o'zlariga kelishmoqda. Afsuski, mana shunday ustunlikka ega bo'lib turib, raqibni yuta olmadik. Oldingi chiziqdagi yakuniy zarbalarimiz qovushmadi. Jarohatlanganlar ko'p. Ibrohimov, Sanoev, CHemirtan jarohatlangan. Michich bilan jiddiy gaplashib olamiz. U qishki yig'inlarda namoyish etgan o'yinlarini umuman ko'rsatmayapti. Unda jarohat bo'lgan ekan, ammo buni bilmasdik. SHu sababli bo'lsa kerak o'z o'yinini ko'rsata olmayapti. 

Vaziyat yomonlashayotgani haqidagi fikrlarga qo'shilmayman. Bugun zaxiradan maydonga tushgan yigitlarga o'yinni kuchaytirish vazifasi yuklatilgandi. Afsuski, ular ishonchimizni oqlolmadi. Tarkibdagi deyarli hamma bizning tarbiyalanuvchilar. Hammaga imkoniyat beryapmiz va shunday qilishda davom etamiz. Esonqulov kecha yoshlar ligasida o'zini yaxshi ko'rsatdi shu bois bugun maydonga tushirdik. Bundan tashqari uning tug'ilgan kuni edi. Uni qo'llab-quvvatlash uchun imkoniyat bergandik, afsuski bugun o'zidan talab qilingan vazifani bajara olmadi. Ammo imkoniyat berishda davom etamiz.

“Dinamo” o'z o'yinini namoyish etdi. Ular qarshi hujumda yaxshi harakat qilishmoqda. Bugun bizning tarbiyalanuvchimiz bo'lgan Qahramonov gol urib ketdi, - deydi Sergey Lushchan.