Sergey Lushchan: “Natijadan va o'yinni aksar qismidan qoniqdim”

- Uchrashuvda qayd etilgan natijadan va o'yinning aksariyat qismidan qoniqdim. Deyarli bir oy davom etgan tanaffusdan keyingi ilk rasmiy uchrashuv uchun yaxshi baho bersa bo'ladi. Ikkala jamoa ham sifatli o'yin ko'rsatishga harakat qildi. Meni birgina jihat ranjitdi. Gol o'tkazib yuborgan vaziyatimiz juda ham oddiy holatda yuz berdi. Bu – “Bunyodkor” saviyasiga mos emas. Amalga oshirgan o'zgarishlarimiz o'yinimizni kuchaytirdi. Gadoev hali to'liq tayyor bo'lmasa-da, u gol urishga va bitta golga assistentlik qilishga muvaffaq bo'ldi. Nurmatov ham hujumkorlikni oshirdi. Azimov esa bergan ko'rsatmalarimni to'liq bajardi va u ham gol urishga erishdi. Yana qaytarib aytaman, tanaffusdan keyingi ilk rasmiy uchrashuvimizni yaxshi o'tkazdik, - dedi Sergey Ivanovich.

"Bunyodkor" matbuot xizmati