Sergey Lushan: "Yosh futbolchilarimiz OCHLda katta tajriba to'plashdi"

"Bugungi uchrashuvdan qoniqdim, yigitlar o'yinda borlarini berib o'ynashdi. Bundan xursandman. Bahs teng kurashlar ostida o'tgan bo'lsa-da, bizda golli vaziyatlar ko'p bo'ldi. Ammo ulardan foydalana olmadik. Bizning yoshlarimiz kerak bo'lsa bir o'yinda 4-5talab gol urishayapti, bazida esa umuman ura olishmayapti. "Lahviya"ni tabriklayman. Bu jamoaga keyingi bosqichda omad tilayman.

Bunday ob-havoda yuqori tezlikda o'ynash oson emas. Lekin shunday sharoitda imkon qadar yaxshi o'yin ko'rsatgan shogirdlarimga rahmat aytaman.

- "Bunyodkor" ushbu musobaqaning eng yosh jamoasi. Bu tarkibni kelajagi porloq ekanligini butun Osiyo bilib turibdi. Yigitlar musobaqadan nimalar olishyapti deb uylaysiz?
- Albatta bu juda katta musobaqa. Undan tajriba olamiz. Yoshlarimiz bu musobaqadan tashqari, Osiyoning boshqa turnirlarida ham ishtirok etishmoqda. Bu yigitlarni kelajakda milliy terma jamoaning munosib va etuk futbolchilari bo'lib etishishi uchun tarbiyalayapmiz. Bizni kuzatib borayotganingiz uchun tashakkur.

Lushanga uchrashuvning eng yaxshi futbolchisi deb topilgan Eldor SHomurodov hamrohlik qildi.
"Ikkala jamoaga ham o'yin qiyin bo'ldi. Bunday havoda o'ynash oson emasdi. Guruh bosqichida qaerdadir omad etishmadi", - deydi SHomurodov.

"Bunyodkor" matbuot xizmati