Sergey Lushan: "SHunday davom etsak ikkinchi davrada chempionlik uchun yanada astoydil kurashamiz"
25 iyu 2016 22:29
Yangiliklar
![](https://championat.asia/upload/storage/213149_original.jpg)
![](/upload/storage/213149_220.jpg)
Sergey Lushan: "SHunday davom etsak ikkinchi davrada chempionlik uchun yanada astoydil kurashamiz"
"Natijadan xursandman. Biroq vaziyatlardan foydalanish borasida aniq o'ynay olmadik. Qolaversa xatolar ko'p bo'ldi. Balki bu charchoq bilan bog'liqdir. Futbolchilarda charchoq sezilyapti. G'alaba uchun yigitlarga rahmat aytdim. Qayerdadir bizning omadimiz chopdi. Raqibda ham 2-3 ta vaziyat buldi. Biz esa 3ta vaziyatimizdan foydalandik. 10tasidan esa yo'q, Yana qaytaraman, natijadan xursandman. Endi asosiy o'yin bor. "Lokomotiv"ga qarshi muhim bahsgacha 5 kun bor. Bor tayyorgarligimiz ushbu o'yinga qaratiladi.
Ortda qolgan 14ta tur davomida 6 ochko yo'qotdik. Bizdan kuchli bulmagan jamoalarga qarshi o'yinda ochko yo'qotganimiz alamli. CHempion bo'lmoqchi bo'lgan klub. O'zidan kuchli bo'lmagan klublarni yutishi kerak, deb o'ylayman.
"Mashal", "Nasaf" va "Metallurg" bilan uchrashuvlarda bizda gol urish va g'alaba qozonish uchun etarlicha imkoniyatlar bo'lgandi. Afsuski, endi vaqtni orqaga qaytarib bulmaydi. Umid qilamanki, shu ritmda davom etsak, 2-davrada chempionlik uchun yanada astoydil kurashamiz.
Mana 6 iyul kuni terma jamoaga 5 nafar futbolchimiz chaqiruv olgan. Sentyabr, oktyabr va noyabr oylarida terma jamoalarning muhim o'yinlari bor. Yigitlarimizga yuklamalar yanada ko'payadi. Vaziyatni tushunib turibmiz, shunga qarab tayyorlanamiz", - deydi Lushan.
"Bunyodkor" matbuot xizmati
O’xshash yangiliklar
![AMP Logo](https://championat.asia/image/logo-amp.png)
Fikrlar