Sergey Lushan: "Kerakli natijani qayd etganimizdan xursandman"

"Bunyodkor" stadioni matbuot anjumanlari zaliga "qaldirg'ochlar" bosh murabbiyi Sergey Lushan va jamoa etakchisi Sardor Rashidov OAV xodimlari bilan muloqot qilish uchun tashrif buyurishdi.

"Bizda inoq jamoa jamlangan. Bugun shogirdlarim yaxshi o'yin ko'rsatishdi va oldimizda turgan vazifani uddaladik. Bundan xursandmiz. Kamchiliklarimiz etarlicha topiladi va endilikda ushbu kamchiliklar ustida ishlashda davom etamiz", - deya o'z so'zini boshladi Sergey Lushan.

- Samir Bekrichni zaxirada qoldirganingiz nima bilan bog'liq? Bu o'ziga xos "syurpriz" edimi raqib uchun?

- Bundan to'rt kun avval Samir shamollab qolgandi. SHu bois bugun Bekrich asosiy tarkibga kiritilmadi. Umuman olganda, jamoamizda katta raqobat mavjud.

- Siz qaysi poziciyasida o'zingizni yaxshi his qilasiz?

Sardor Rashidov: - Ko'proq hujum chizig'i va o'ng qanotda o'zimni engil his qilaman. Murabbiy qaerda qo'ysa o'sha erda o'z vazifamni bajarishga harakat qilaman.

- Sardor, sizga ko'plab jamoalardan bir qator takliflar tushmoqda. Kelajakda qanday yo'l tutmoqchisiz? "Bunyodkor"da qolasizmi?

Sardor Rashidov: - O'zimni niyatim jamoada qolib "Bunyodkor"ga yordam berish. Hozir boshqa takliflar haqida o'ylayotganim yo'q.

Sergey Lushan: - Sardor bilan 2 yillik shartnomamiz mavjud. Agarda uni sotib olmoqchi bo'lgan jamoalar rasman taklif bilan chiqishlari shart. SHunchaki gap-so'zlar hech narsani hal etmaydi.