“Sautgempton” so'nggi 10 yilda futbolchilar sotuvidan 300 mln funt ishlab oldi
29 dek 2017 01:44
Yangiliklar

“Sautgempton” so'nggi 10 yilda futbolchilar sotuvidan 300 mln funt ishlab oldi

Angliyaning “Sautgempton” klubi so'nggi 10 yil ichida 14 nafar futbolchisini transfer qilish orqali 300 million funt sterling ishlab topdi.

Kuni kecha “avliyolar” “Liverpul” klubiga himoyachi Virgil van Deykni 75 mln funtga sotishgandi. Ungacha Nataniel Klayn (12,5 mln funt), Deyan Lovren (20 mln), Adam Lallana (25 mln) va Sado Mane (34 mln) transferidan ham mo'maygina pul ishlab olingan edi.

“Sautgempton” futbolchilariga eng ko'p “Tottenxem” jamoasi xaridor bo'lgan. “SHporlar” o'z vaqtida Garet Beyl (10 mln), Tobi Alderveyreld (11,5 mln), Viktor Vanyama (11 mln) va Paulo Gassaniga (1 mln)ni aynan “Sautgempton”dan xarid qilishgandi.

“Manchester Yunayted” “Sautgempton”ga Lyuk SHou uchun 25 mln, Morgan SHnayderlinga esa 24 mln funt to'lagan. “Arsenal” Teo Uolkott, Aleks Oksleyd-CHemberlen va Kelum CHembersning umumiy transferi uchun 43 mln funt sarflagan.

Havola :

Yangiliklarni Telegramda o'qing!

Reyting: +3