Kunde "Oltin to'p" haqida: "Unga Yamal ham, Dembele ham loyiq. Men ovoz bermayman – kuchlisi g'alaba qozonsin"

"Men buni avval ham aytganman va yana takrorlayman. Ikkalasi ham "Oltin to'p"ga loyiq. Ular ajoyib mavsum o'tkazishdi, sovrinlar yutishdi. Ikkalasining jamoadoshi bo'lgan xolda tanlash oson emas.

Men ovoz beruvchilardan emasman, ikkisining foydasiga ishlovchi dalillar bor. Lamin bilan o'ynaganimdan xursandman, uning bizga qanday yordam berayotganini ko'ryapman. Usmon faoliyatining cho'qqisiga chiqdi va statistikaga ko'ra, o'zining eng yaxshi futbolini ko'rsatmoqda. Kuchlisi g'alaba qozonsin", – dedi "Barselona" va Franciya terma jamoasi himoyachisi.

"Oltin to'p" taqdirlash marosimi 22 sentyabrda Parijda bo'lib o'tadi.