Saudiya - Yaman uchun oshib o'tish imkonsiz dovon
05 iyu 2021 17:11
Yangiliklar

Saudiya - Yaman uchun oshib o'tish imkonsiz dovon

Bugun JCH-2022 saralash bosqichi doirasida biz uchun ahamiyatli o'yin bo'lib o'tadi.

Guruhdagi raqiblarimiz Saudiya Arabistoni va Yaman terma jamoalari o'zaro bahs olib borishadi. O'yin Toshkent vaqti bilan 23:00da start oladi.

Saudi Arabia

Salem Al-Dawsari - 4', Fahad Al-Muwallad - 17', Fahad Al-Muwallad - 32'

World Cup Qualification AFC 2nd Round Grp. D . 7-tur

05/06/2021, 23:00

Tugadi

Yemen

Stadion: 4382 tomoshabin

45'

90'

Match-senterda ochish

Mazkur jamoalar shu paytga qadar rasmiy va o'rtoqlik o'yinlarida umumiy hisobda 8 bor to'qnash kelishgan. Ulardan 7 tasida saudiyaliklarning qo'li baland kelgan bo'lsa, 1 o'yin (oxirgisi) durang bilan yakunlangan. Yaman terma jamoasi o'zining 30 yillik tarixida biror bor Saudiya Arabistoni terma jamoasini mag'lub qilishni uddalay bilmagan. Bugungi o'yin shu jihatdan tarixiy bahsga aylanishi mumkin.

O'zaro uchrashuvlardagi to'plar nisbati: 30-3. Yamanlik futbolchilari faqat 2 o'yinda saudiyalik raqiblarining darvozasiga yo'l topa olishgan.

Bu jamoalar o'rtasidagi so'nggi o'yin 2019 yilning 10 sentyabr kuni Baxrayndagi neytral maydonda o'tkazilgan. Unda har 2 tomon 2 tadan gol bilan kifoyalanib, 1 ochkoga rozi bo'lgan edi. O'sha bahsda yamanlik hujumchi Mohsen Qaravining hisobni ochuvchi goli juda chiroyli chiqqan (quyidagi videolavhada tomosha qilishingiz mumkin).

Yaman FIFA reytingida 145-o'rinni egallab turgan bo'lsa, Saudiya Arabistoni 67-pog'onaga joylashgan. Jamoalarga yaratib berilayotgan sharoitlar hamda futbolchilarning saviyasini o'zaro solishtirish imkonsiz. Evre Renar shogirdlari 2 emas, 5 bosh balandroq. "Transfermarkt" portali Saudiya Arabistoni terma jamoasining to'liq tarkibini 26 mln evroga baholagan. Yaman termasi vakillarining umumiy qiymati esa 1,45 mln evroga baholanyapti (deyarli 19 barobar arzonroq). Malumot uchun, saudiyaliklar tarkibida transfer qiymati Yaman termasining to'liq tarkibidan qimmatroq bo'lgan 6 nafar futbolchi bor. Evre Renar shogirdlari orasida transfer bahosi eng yuqorisi "Al Hilol" vakili Muhammad Kanno hisoblanadi (2,8 mln evro).

Xullas, qog'ozdagi malumotlarda Saudiya Arabistoni mutlaq favorit. Ammo, maydonda hamma narsa bo'lishi mumkin. Terma jamoamiz uchun bevosita ahamiyatli bo'lgan mazkur bahsni o'tkazib yubormang!