Saudiya sahrolarida sergaklik hissi. "Paxtakor" va "Nasaf" uyg'ondimi?

G'alaba hamisha yoqimli bo'lgan. Muammolar ham etarli. Lekin kishini xursand qiladigan ayrim jihatlar yo'q  emas. Quyida shu haqida fikrlashamiz. 

Voyneski aybini yuvdi 

"Sepaxon" bilan o'yinda markaziy himoyadagi qo'pol xatolardan so'ng "Paxtakor" murabbiylari rotatciyaga qo'l urishlari zarur edi. Aftidan Larin zaxiraga olinsa kerak, degan taxminlar yuzaga kelgan pallada Voyneski Kamen Xajievni almashtirdi. Uning o'rnida harakat qilgan SHerzod Azamov shu kuni o'yin davomida haqiqiy himoyachilarga hos harakatlari bilan master-klass o'tkazganini guvohi bo'ldik. Amalda "Instat" platformasi tomonidan Azamov yuqori baholanganini ko'rishimiz mumkin - 257. Keyingi o'rinda Xojiakbar Alijonov - 249 ball. Slavche Voyneski " Al Duhail"ga qarshi o'yinda Azamov - Larin juftligidan foydalanishi ehtimoli katta. 

Suyunov — 227

Alijonov — 249

Larin — 238

Azamov — 257

Sayfiev — 205

Hamrobekov — 208

Sobirxo'jaev — 246

Turg'unboev — 203

CHeran — 225

Rashidov — 210

SHarkich — 173

Aliboev — 219

Erkinov — 230

Yoqubov — kam o'ynagani tufayli baholanmagan

Zaxira qurollari ishga tushganda 

Ushbu turda ikki jamoamizda ham bir hil holat kuzatildi. Yani, o'yin taqdirini hal qilishda bevosita zaxiradan tushgun futbolchilar jonbozlik ko'rsatdi deyishimizga asoslar bor. "Paxtakor"ning "Al Taavon"ga qarshi o'yinida g'alaba golini Xojimat Erkinov urgan bo'lsa, unga assistentlikni Ikrom Aliboev maromiga etkazdi. Endi kecha bo'lib o'tgan "Nasaf" - "Al Vihdat" o'yinida ham shunday vaziyat. Zaxiradan o'yinga qo'shilganiga ko'p bo'lmagan Bahrom Abdurahimov Marko Stanoevichga to'pni qulay qilib tashlab berdi, serbiyalik yarim himoyachidan ajoyib gol. Ivan Solovyovning o'rniga tushgan Suhrob Nurulloev jarima maydonchasi ichidagi faolligi hisobiga penalti ishladi. Dubl qayd etgan Marko Stanoevich uchrashuvning eng yaxshi futbolchisi, deb topildi. 

Buraydada 13 yillik tarix takrorlandi

Saudiya Arabistoni klubini mehmonda engish jamoalarimiz uchun oson bo'lmagan vazifa hisoblanadi. "Paxtakor" so'nggi bor mazkur mamlakat klubini safarda 2009 yilgi mavsumda mag'lubiyatga uchratgan ekan. O'shanda chorak final bahsida Zayniddin Tojiev va Aleksandr Geynrixning gollari "Paxtakor"ga "Al Ittifoq" ustidan muhim g'alabani keltirgani yodimizda hamon. O'shandan beri "sherlar" Saudiya Arabistonida g'alaba nimaligini bilmay kelayotgandi. Oradan 13 yil o'tib yana Saudiya Arabistonida g'alaba tantana qilindi. 

Uyg'onish

Ilk turdan keyin xavotirlarni oshirgan "Paxtakor" va "Nasaf" o'zlari uchun juda muhim va kerakli uch ochkolarni ishlab olishdi. Keyingi uchrashuvlar oldidan bitta g'alaba shart edi. Nega? Qarang, hozirda guruhdagi vaziyat mutlaqo tenglikni ko'rsatmoqda, 4ta jamoada ham 3 ochkodan bor. "Paxtakor"ning endigi raqibi Qatar grandi " Al Duhail" hisoblanadi va nisbatan kuchliroqdek ko'rinyapti. "Nasaf" esa mag'lubiyatsiz odimlamoqda va 4 ochkoga ega. 3-turda Ro'ziqul Berdiev shogirdlari mezbon "Al Faysali" sinovidan o'tishiga to'g'ri keladi. Har qanday holatda ham raqib o'z uyida o'ynamoqda. SHuni hisobga olganda kechagi g'alaba futbolchilarda ishonchni uyg'otgan bo'lsa, hech gapmas. Umid qilamizki, futbolchilarimiz ancha sergak tortib qolishdi. Bundan buyon bo'shashishga haqqiligi yo'q.