Sardor Rashidov: "Eron bilan o'yinga tayyor bo'laman"

Unda hamyurtimiz to'p tepayotgan "Al Jayish" qiyin kechgan uchrashuvda mag'lubiyaga uchrab turib, g'alabani qo'lga kiritdi.

"Ikkinchi turda ham g'alaba qozonganimiz yaxshi bo'ldi. Safardagi har qanday ochko biz uchun qimmatli. Jamoamiz Qatar yulduzlar ligasida chempion bo'lish maqsadida. Kechagi o'yinga kelsak oson bo'lmadi. Mag'lubiyatga uchrab turib g'alaba qozonish har doim qiyin kechgan. Jamoamning g'alabasiga ulush qo'shganimdan xursandman", - deydi Sardor Rashidov.

- Suriya va Qatar terma jamoalariga qarshi kechgan bahslarda biz Sizdan o'zimiz kutgan o'yinni ko'rmadik, Eron bilan o'yinga tayyorgarligingiz qanday kechayapti?

- To'g'ri. Dastlabki ikkita o'yinda jismoniy holatim yuqori tonusda emas edi. SHuning uchun o'z o'yinimni namoyish eta olmadim. Bizda mavsum endi boshlandi. Yana 2-3ta o'yinda maydonga tushishga ulguraman. O'ylaymanki, Eron va Xitoy terma jamoalari bilan bo'lib o'tadigan bahslarda muxlislarimizga quvonch ulasha olamiz.