Sardor Rashidov: "Himoyachilarimiz Afifni to'xtatish uchun 50 foiz kuchini ishlatishsa kifoya, biz hamma poziciyada Qatardan kuchlimiz"

Vakillarimiz bu turda Dohada Qatar mehmoni bo'ladi. Ayni vaqtda tayyorgarlikning so'nggi bosqichini o'tkazayotgan terma jamoa azolariga omad tilab qolamiz. Biz esa mazkur bahs oldidan taniqli futbolchi Sardor Rashidovning fikrlari bilan qiziqdik. 

Qatar Almoez Ali - 25', Almoez Ali - 41', Lucas Mendes - 90'

World Cup Qualification AFC 3rd Round Grp. A . 5-tur 14/11/2024, 21:15 2 : 3 Tugadi

Uzbekistan Abbosbek Fayzullayev - 75', Abbosbek Fayzullayev - 80'

Stadion: 10759 tomoshabin

45'

90'

25'  Almoez Ali

41'  Almoez Ali

64'  Ahmed Fathi

69'  Ahmed Al Ganehi (Abdulaziz Hatem)

78'  Bassam Al-Rawi (Abdullah Al-Yazidi)

87'  Ibrahim Al-Hassan (Yusuf Abdurisag)

87'  Tarek Salman (Mohammed Muntari)

90'  Mohammed Waad

90'  Lucas Mendes

21'  Eldor Shomurodov (Jaloliddin Masharipov)

46'  Abdulla Abdullaev (Bobur Abdikhalikov)

65'  Sherzod Nasrulloev (Farrukh Sayfiev)

65'  Otabek Shukurov (Jamshid Iskandarov)

73'  Jaloliddin Masharipov

75'  Abbosbek Fayzullayev

80'  Abbosbek Fayzullayev

90'  Azizbek Turgunbaev (Rustamjon Ashurmatov)

Match-senterda ochish

- Ertaga bo'lib o'tadigan Qatar O'zbekiston uchrashuvidan qanday o'yin kutyapsiz? Umuman terma jamoamizning bugungi kuni, saralashdagi o'yinlari qanday taassurot qoldirmoqda?

- Ertangi o'yindan faqat g'alaba kutmoqdamiz va bunga majburmiz. Boshqa natija kutish bizni Jahon chempionatidan mahrum qilishi mumkin. Xuddi avvalgi saralashlardagi kabi imkoniyatlarimiz juda yuqori. Biz Qatardan barcha nuqtalarda kuchlimiz va buni maydonda ko'rsatishimiz shart. 

- Bu o'yin Osiyo kubogidagi o'yindan farq qilishi mumkin. Bizda bu safar ustunlik nimada?

- Osiyo kubogidan so'ng oradan 8 oy o'tdi. Terma jamoamiz bu vaqt ichida o'sishga erishdi. Buni inobatga olgan holda Qatarni taslim qilishimiz kerak. Terma jamoamizda hamma narsa joyida. 

- Qatarni oldin xotirjam yutib yurganmiz. Bu terma jamoa nimaning evaziga kuchaydi? Ertaga bizga ko'proq nima kerak bo'ladi? 

- Ular xorijlik va mahalliy futbolchilar evaziga ancha o'sdi. SHunga Osiyo kubogida bizga qiyin bo'lgandi. Ochig'ini aytganda o'sha turnirda yomon ko'rsatmagandik, o'yin tomonlama eng yaxshisi edik. Penaltilar seriyasiga tayyorlanmaganimiz pand bergandi. 

- Hujumkor poziciyangizdan kelib chiqib ertangi o'yinda oldindagi futbolchilarimizning imkoniyatlariga qanday qaraysiz? Tabiiyki, raqibning asosiy quroli ham hujum Akram Afif, Almoez Ali va hokazo...

- Akram Afif hozir yaxshi formada. Lekin uni to'xtatish bizning himoyachilarga qiyin emas. Husanov, Aliqulov uni zararsizlantirishga 50 foiz kuchini sarflasa kifoya. Hujumdagi futbolchilarimizga ko'proq uzoqdan zarbalar berishini takidlagan bo'lardim. Qatar darvozabonlari uzoqdan zarbalarda ko'p xatolarga yo'l qo'yishadi. Buni ichki chempionatda ham ko'rish mumkin.