Sardor Azmun: Eron bilan birga O'zbekiston ham JCH-2018ga chiqishiga tilakdoshman

Rostov klubi hujumchisi dastlab o'zbekistonlik jurnalistlarga rus tilida gaplasha olmasligini, faqat fors tilida intervyu bera olishini malum qilib, uzr so'radi. Tojik tili forschaga juda yaqinligi bois, Sardor bilan suhbatlashishga deyarli qiynalmadik.

- Sardor, avvalo O'zbekiston bilan o'yin haqidagi fikrlaringiz bilan o'rtoqlashsangiz. Bu siz uchun kutilgan g'alaba bo'ldimi?

- O'zbekiston bilan o'yin og'ir o'tishini kutgan edik. CHunki bu jamoa bilan o'yinlarimiz oson kechmagan. Oldimizdagi vazifa g'alaba qozonish edi. O'yin boshida gol ura olganimiz juda muhim bo'ldi. Aynan ushbu gol raqiblarimiz rejalarini buzdi deb o'ylayman. Ikkinchi bo'limda yaxshi himoyalandik va yakunda g'alabani qo'lga kiritdik.

- Ushbu g'alaba Eronni yana guruh favoritiga aylantiradimi?

- Hali bunday deyishga barvaqt. CHunki endigina 3 ta o'yin o'tkazdik, hamma o'yinlar oldinda. To'g'ri, hozircha peshqadam bo'ldik ammo Janubiy Koreya bilan o'yindan keyin javdal yana o'zgarishi mumkin. Qolaversa, O'zbekiston termasida ham hali juda yaxshi imkoniyat bor.

Qisqa savol-javobdan keyin Azmun miks-zonani tark etgan bo'lsada, biroz o'tib hujumchi qolgan savollarimizga ham javob berishga rozi bo'ldi.azmun

- O'yindan oldin Karlos Keyrush ham, eronlik futbolchilar ham O'zbekiston kuchli raqib jamoa ekanligini takrorlashgandi. Bu xavf asosli bo'lib chiqdimi?

- Fikrimcha, O'zbekiston terma jamoasi o'z o'yinini ko'rsata olmadi. Murabbiylarimiz raqibning o'yinini o'rganishgan va bizga kuchli va kuchsiz jihatlarini aytishgandi. Ko'rsatmalarni to'g'ri bajardik va O'zbekistonga hech qanday imkoniyat bermadik. SHunga qaramay, men O'zbekistonni kuchli raqib deb hisoblayman.

- O'yin boshlanishidan oldingi chigalyozdi mashg'ulotlari paytida Odil Ahmedov bilan nima haqida gaplashdingiz?

- Ahmedov bilan Rossiyada chempionati doirasida uchrashib turamiz. Odilni zaxira o'rindig'ida o'tirganligini ko'rib, u bilan ko'rishdik. Jarohati borligini bilgach, unga tezroq sog'ayishini aytib, bir-birimizga omad tiladik.

- Bugun asosiy tarkib emas, zaxiradan maydonga tushganligingiz nima bilan bog'liq?

- Bu murabbiylarimizning o'yinga rejasi edi. Afsuski, ikkinchi bo'lim yakunida ikki marta juda yaxshi vaziyatlardan foydalana olmadim. O'yingohdagi muhit menga yoqdi. Eron bilan birga O'zbekiston ham JCH-2018 chiqishiga tilakdoshman.

Usmon Ibodov suhbatlashdi.