Sanjar Tursunov: “Sayt bundan ham rivojlansin”

U garchi maydonga tushmagan bo'lsa-da, oxirigacha shu erda bo'ldi. Sanjarning championat.asia bo'yicha fikrlari quyidagicha bo'ldi.
 
-   Fursatdan foydalanib, sevimli saytim championat.asianing uch yoshga kirgani bilan chin qalbdan tabriklayman. Xudo xohlasa, 30 yillik yubiley to'ylarda qatnashish nasib qilsin. Saytning o'tgan yil tashkil qilgan tadbiriga ham kelgandim. Mana bu safar ham vaqt topib keldim. Bilamizki, shu yilning yozida saytning nomi championat.uz dan championat.asiaga o'zgardi. Telefondan kiruvchilar uchun yanada qulaylik yaratildi. Yangiliklar ham tez-tez berib boriladigan bo'ldi.
 
-   Sizni saytimizga har kuni kirasiz desa bo'ladimi?
-   Albatta. Bo'sh paytim bo'ldi deguncha saytga kirib xabarlarni o'qiyman.
 
-   Saytning kamchiliklari nima deb o'ylaysiz?
-   Bu mening soham bo'lmagani uchun biror narsa deyishim mushkul. Men ham boshqalar qatori championat.asianing oddiy o'quvchisiman, xolos. Kamchiliklari endi sizlarga ko'proq ayon bo'lsa kerak.
 
-   SHou-futbolda ishtirok etmadingiz, buning sababi nimada?
-   Biroz kech qolib kelganim uchun o'ynay olmadim. Nasib qilsa, kelasi yil shunaqa tadbir o'tkazilsa, kelib boshidan oxirigacha to'p tepish niyatim bor.