Sanjar SHoahmedov: “Qatar chempionatini 4ta jamoa tark etadi”
18 fev 2017 14:12
Yangiliklar
![](https://championat.asia/upload/storage/240883_original.jpg)
![](/upload/storage/240883_220.jpg)
Sanjar SHoahmedov: “Qatar chempionatini 4ta jamoa tark etadi”
Ushbu uchrashuvda “Al Sayliya” tarkibida harakat qilayotgan vakillarimiz Temurxo'ja Abduxoliqov va Sanjar SHoahmedov faol ishtirok etishdi va jamoaning g'alabasiga o'z xissasini qo'shishdi.
“Qatar chempionati ayni qizg'in pallaga kelgan. Keyingi turda “Lahviya” jamoasiga qarshi maydonga tushamiz. Qatar chempionatida so'nggi 4 o'rinni egallagan jamoalar ligani tark etadi. Mana shu narsa ham bizga xavf solayapti, endi bu futbol. Qo'limizdan kelgancha harakat qilamiz ligada qolishga. Hozir oldimizda 5ta uchrashuv turibdi. Barchasi mana shu 5ta o'yindan so'ng hal bo'ladi.
Kechagi “Al Ahli” ustidan qozonilgan g'alabadan so'ng ochkolarimiz sonini 23taga etkazib oldik. Hali hammasi oldinda, deb o'ylayman. Bizda hech qanday muammo yo'q, barcha shart-sharoitlar yaxshi. Jamoadoshlarim bilan chiqishib ketdim. Barchasi alo darajada. “Al Ahli”ga qarshi uchrashuvning so'nggi daqiqasida ruminiyalik jamoadoshim Lazarga to'p uzatdim, u esa raqib darvozasini ishg'ol qildi. Eng kerakligi g'alabani qo'lga kiritdik”, - deydi “Al Sayliya” klubi futbolchisi Sanjar SHoahmedov.
Jahongir Sotvoldiev
O’xshash yangiliklar
![AMP Logo](https://championat.asia/image/logo-amp.png)
Fikrlar